ଗୁରୁ ଦିବସ

ଗୁରୁ ତୁମେ ଯୋଗଜନ୍ମା 

    ପ୍ରବୀଣ ପ୍ରବର, 

ଗୌରବ ବିଭୋର ତୁମେ 

    ଦେଶ କର୍ଣ୍ଣଧାର ।

ଜ୍ଞାନର ଜ୍ଵ।ଳାମୁଖୀ 

   ପୁଣି ଫଲ୍ଗୁଝର 

ସାରସ୍ୱତ ସ୍ରଷ୍ଟା ତୁମେ 

    ସମସ୍ତ ବୃତ୍ତିର ।

ନସ୍ରବି ନିରବି ଥିବା 

   ଶୈଶବ ଜୀବନ, 

ଉତ୍କୀର୍ଣ୍ଣ କରାଇ ଥାଅ 

    ଦାନେ ଦିବ୍ୟ ଜ୍ଞାନ ।

କୁଶଳୀ ସୁକାରିଗର 

     ଜୀବନ୍ତ ବିନ୍ଧାଣୀ 

ଜ୍ଞାନଶୂନ୍ୟ ମାଟି କୁମ୍ଭେ 

    ପୂର୍ଣ୍ଣତା ଯେ ଆଣି 

Advertisement

;।

ପୂର୍ଣ୍ଣକୁମ୍ଭ ଗଢିବାର 

    କୌଶଳେ ନିପୁଣ 

ନ୍ୟୁନତାରେ ମହାନତା 

    ଅକ୍ଳେଶରେ ଆଣ ।

ଜ୍ଞାନର ସାଗର ତୁମେ 

    ଜ୍ଞାନର ମହକ 

ଆଶାର ଆଲୋକ ଶିଖା  

   ପଥ ପ୍ରଦର୍ଶକ  ।

ଜୀବନକୁ ଗଢିବାର 

   ସଫଳ ମନ୍ତ୍ରରେ 

ଅଭିମନ୍ତ୍ରିତ କରାଅ 

   ଆପଣା ଶିଷ୍ୟରେ ।

ତେଣୁ ତୁମେ ଏକାଧାରେ 

   ତ୍ରିଦେବ ଈଶ୍ୱର 

ଗୁରୁଃ ବ୍ରହ୍ମ। ଗୁରୁଃ ବିଷ୍ଣୁ 

   ଗୁରୁଃ ମହେଶ୍ୱର ।।