ଏଇତ ଜୀବନ

ଜୀବନର ମାନେ ବୁଝିବା ଆଗରୁ

ଜୀବନଟା ଯିବ ସରି

ସମୟର ବାଟେ ସମୟ ଚାଲିବ

କେହି ପାରିବେନି ଧରି

ଅଧା ରହିଯିବ ଯେତେ ଆଶା ସବୁ

ଅଧା ରହିଯିବ ସପନ

ଏଇତ ଜୀବନ ଏଇତ ଜୀବନ ।।

ସଂସାର ମଞ୍ଚରେ କଳାକାର ସବୁ

ମିଛ ଅଭିନୟ ସାର

ଆସିଅଛେ ଏକା ଚାଲିଯିବା ଏକା

କେହି ନୁହେଁ ଏଠି କାହାର

ନିଶ୍ୱାସକୁ ଭାଇ ନାହିଁତ ବିଶ୍ୱାସ

ଶେଷ ହେବ ଅପରାହ୍ନ

ଏଇତ ଜୀବନ ଏଇତ ଜୀବନ ।।

ମଣିଷ ଜୀବନ ପ୍ରଭୁଙ୍କର ଦାନ

ମହତ କରମ କରି

କରମ ଫଳକୁ ସାଙ୍ଗରେ ଘେନି

ଚାଲିଯିବା ଆର ପାରି

ସତ କର୍ମ କରି ଅମର ରହିବା

ଅରଯିବା କୋଟି ପୁଣ୍ୟ

ଏଇତ ଜୀବନ ଏଇତ ଜିବନ ।।

ଗୁଣଥିଲେ କାନ୍ଦେ ବାଳଥିଲେ ବାନ୍ଧେ

ମନେ ରଖିଥିବେ ସବୁ

ପ୍ରିୟ କଥା କହି ସ୍ନେହ ଶ୍ରଦ୍ଧା ଦେଇ

ସଭିଙ୍କ ମନ ଜିଣିବୁ

ଶେଷ ସମୟରେ ଶଯ୍ୟା ନିକଟରେ

ଥିବେ ବନ୍ଧୁ ପରିଜନ

ଏଇତ ଜୀବନ ଏଇତ ଜୀବନ ।।