ବରଷା ହେବ ଭରସା

ଚପଳା ଚମକେ ଘଡଘଡି ନଦେ            

ଧରା ହୁଏ ପ୍ରକମ୍ପିତ           

ମେଘ ବରଷିଲା ଟୁପୁରୁ ଟାପୁରୁ            

ବେଙ୍ଗୁଲି ଗାଇଲା ଗୀତ।          

ଦାଉ ସାଧୁଥିଲା ବୈଶାଖୀ ସୂରୁଜ          

ଏବେ ହୋଇଗଲା କ୍ଷୀଣ ।          

ବରଷା ପରସେ ହସିଲା ଧରଣୀ           

ହସିଉଠେ ଚାଷୀ ପ୍ରାଣ ।          

ଲାଲ୍ ଟୁକୁ ଟୁକୁ ସାଧବ ବୋହୁ ଯେ           

ଓଢ଼ଣା ଟେକିଛି ଆଜି ।          

ବରଷାକୁ ଯିଏ ସ୍ୱାଗତ କରିବ            

ମହୀ ମୁରୁକିବ ମାଜି ।          

ବରଷା ଯେ ହେବ ସଭିଙ୍କ ଭରସା           

ଧୋଇ ଦେବ ପାପ ରାଶି,           

ସବୁଜ କ୍ଷେତରେ ସୁନାର ଫସଲ           

ଅମଳିବ ଭାଇ ଚାଷୀ ।          

ବରଷା ବାଣ୍ଟିବ ସୁଖର ପସରା            

ଦୁଃଖକୁ ଦେବ ଯେ ଏଡି ।         

ଶାନ୍ତି ପୀରତିର ପତାକା ବାହିବ            

ଦେବ ସୁଖ ଶ୍ରଦ୍ଧା ଯୋଡ଼ି ।         

ବରଷା ଦେବ ଯେ ନୂତନ ଜୀବନ           

ସାଜିଯିବ ଆମ ରାହା          

ଏତିକି ବିନତୀ ଜଣାଏ ପ୍ରଭୁଙ୍କୁ            

ପ୍ରଭୁ ହେବେ ଆମ ସାହା ।।