ବର୍ଣ୍ଣାଳୀ

ସାଉଁଟି ଆଣି

ସାରା ଟି ଆକାଶର ଗଭୀର ନୀଳିମା

ଭରି ପାରିବ କି ମୋ ଆଞ୍ଜୁଳାରେ ।

ଘଞ ଜଙ୍ଗଲର ନିବିଡ଼ ସବୁଜିମା

ମୁଠା ମୁଠା କରି ବିଞ୍ଚି ପାରିବ କି

ମୋ ଚୀର ଯୌବନ ପ୍ରାଙ୍ଗଣେ ।

ଲଜ୍ଜା ଜଡସଡ 

କିଶୋରୀ ଚିବୁକର ଗୋଲାପି ରଙ୍ଗ

ବୋଳି ଦେଇ ପାରିବ କି ? ମୋ ଲାବଣ୍ୟ ଅଙ୍ଗରେ ।

ଲାଲ ଟୁକୁ ଟୁକୁ ପଳାଶର

ଗାଢ଼ ଲାଲିମାକୁ ଚିପୁଡି ଆଣି

ନେଶି ଦେଇ ପାରିବ କି ? ମୋ ହୃଦୟରେ ।

ପ୍ରେମ ବିନ୍ଦୁରେ ଶିକ୍ତ

ବାସ୍ନାୟିତ ମାଟିର ଧୂସର ରଙ୍ଗ

ଛିଞ୍ଜି ପାରିବ କି ? ମୋ ମନ ପ୍ରଣରେ ।

କେହି ତ ଜଣେ !

କରି ପାରେ ଏଇ ଆସ୍ପର୍ଦ୍ଧା

ଯାହାର ପ୍ରତି ଟି ଲୋମକୂପ ଅମୃତରେ ବୋଳା ।