ବୃକ୍ଷ ରୋପଣ

ବୃକ୍ଷଠାରୁ ଜଳ ଜଳରୁ ଶସ୍ୟର

      ଶସ୍ଯ ହିଁ ଆମ ଜୀବନ

ବନଭୂମିଠାରୁ ସଭ୍ୟତା ସଂସ୍କୃତି

     ସୂର୍ଯ୍ୟୋଦୟ ଉତପନ୍ନ।

ସଭ୍ୟତା-ସଂସ୍କୃତି ପରିପୁଷ୍ଟି ପାଇଁ

        ବନର ଦାନ ମହାନ୍

ବନ ଭୂମିଠାରେ ଗଢି ଉଠିଥିଲା

        ଗୁରୁକୁଳା ଶ୍ରମମାନ ।

ଜ୍ଞାନ ପ୍ରବାହିନୀ ଧାରାକୁ ପ୍ଲାବିତ

        କରଇ ଏ ବନଭୂମି

ଆଧ୍ୟାତ୍ମିକତାର ସୌରଭରେ ସିକ୍ତ

       ଆମୋଦିତ ଦିଗଗାମି ।

ତପଶ୍ଚରଣର ପ୍ରାଧାନିକ କ୍ଷେତ୍ର

       ମନମୋହିନୀ ଏ ବନ

ଯାନ୍ତ୍ରିକ ସଭ୍ୟତା ହତଶ୍ରୀ କଲା

       କାଟି ବଡ଼ ବୃକ୍ଷ ମାନ ।

ସଭ୍ୟତା ବିକାଶ ବନଭୂମି ଧ୍ଵଂସ

       ଅଭିଶାପ ହେଲା ଆଜି

ସଂସ୍ଥିତି ସୁରକ୍ଷା ଧ୍ଵଂସାଭିମୁଖୀକୁ

       ଟାଣି ନେଇଛି ତାଜିଦି ।

ବୃକ୍ଷ କ୍ଷୟ ଯୋଗୁ ବର୍ଷାର ଅଭାବ

       ଖାଦ୍ୟଶସ୍ୟ ନିଅଣ୍ଟିଆ

ସୁଜଳା ସୁଫଳା ବନ ଭୂମି ଆଜି

       ମରୂଭୂମି ପାଣ୍ଡୁରିଆ ।

ବାତ୍ୟା ନିୟନ୍ତ୍ରଣକୁ ପରିବେଶ ଆମ

        ବିଷମୁକ୍ତ କରେ ବନ

ବର, ଅଶ୍ଵତଥ ବୃକ୍ଷରୁ ମିଳଇ

        ପଚାଶ ଟନ୍‌ ଅମ୍ଳଜାନ ।

ପୂର୍ବେ ତୁଳସୀ, ଅଶ୍ଵତଥ ଓ ବଟକୁ

        ଦେବତା ଜ୍ଞାନରେ ପୂଜା

ସମ୍ପ୍ରତ୍ତି ସମାଜେ ଏହାକୁ କାଟିଣ

         ନିଜକୁ ଦିଅନ୍ତି ସଜା ।

ନିମ୍ୱ, ଅଶ୍ଵତଥ , ବଟବୃକ୍ଷ ବଞ୍ଚେ

        ପ୍ରାୟ ପଚାଶ ବରଷ

କୃତ୍ରିମ ଉପାୟେ ଏତେ ଅମ୍ଲଜାନ

         ଲାଗିବ ସହର୍ସ ବର୍ଷ ।

ସାମାଜିକ, ଅର୍ଥନୈତିକ ଓ ଆଧ୍ୟାତ୍ମିକ

         ପ୍ରଗତିକୁ କ୍ଷିପ୍ରତର

କରଇ ଆମ୍ଭର ବନୀକରଣ ଯେ

         ବୃକ୍ଷହିଁ ପ୍ରାଣ ଆମର ।

ଛୁଆ ଗୋଟିଏକୁ ଗଛ ଗୋଟିଏ ଯେ

         ହେଉ ତ ଆମର ଧ୍ଵନି 

ଏବେଠାରୁ ଯେବେ ସତର୍କ ନ ହେବ

        ଧ୍ଵଂସ ହେବ ଜାଣି ସୁଣି।

ପ୍ରୀତି, ପ୍ରଶାନ୍ତି ଓ ପୁଲକ ଆଣଇ

         ବିଭିନ୍ନର ବୃକ୍ଷରାଜୀ

ଆଜିର କଷ୍ଟକୁ ଦୋହରାଅ ନାହିଁ

        ଜିତିବ ଜୀବନ ବାଜୀ ।