ଲାଇବ୍ରେରୀ
ପ୍ରୋଫାଇଲ୍
ବୋଧହୁଏ ବିଶ୍ୱାସ
ବୋଧହୁଏ ବିଶ୍ୱାସ
1 min
17
ବିଶ୍ଵାସରେ ବନ୍ଧା ଜୀବନ ଚକ୍ର
କହନ୍ତି ସମସ୍ତେ
ବୟସ ବଢିଲା ବହିରେ ପଢିଲି
ବିଶ୍ୱାସର ତରାଜୁରେ ନିଃଶ୍ୱାସ ମାପିଲି
କମିଲା ଆସ୍ତେ ଆସ୍ତେ
ନିଶ ଦାଢି ଗଜୁରିଲା
ଦାୟିତ୍ଵ କର୍ତ୍ତବ୍ୟର ହିସାବ ସବାର ହେଲା
ଜାଣିଲି ଶିଖିଲି ପରସ୍ତେ ପରସ୍ତେ
ଦେଖିଲି ବିଶ୍ଵାସଘାତ ମାଳମାଳ
ମଉକା ଦେଖି ଚଉକା ଛକା ମାରିବାକୁ
ବାଢ କଡ଼ରେ ଛକି ବସିଛନ୍ତି ହାକୁ ହାକୁ
ନିର୍ମୁଳି ଲତାରେ ଆଉଟା ପାଉଟା ପଙ୍ଗପାଳ
ଡହରା ଢ଼ାଉକ ଦଳ ଦଳ
ବୋଧହୁଏ
ସେଦିନ କବାଟ ନିର୍ମାଣର ଶୁଭାରମ୍ଭ
ମଣିଷ ଉପରୁ ମଣିଷର ବିଶ୍ଵାସ ନାକେଦମ
ବୋଧହୁଏ
ସେହି କବାଟ ଉପରୁ ବିଶ୍ୱାସ ଶେଷ
ତାଲା-ଚାବିର ଉଦ୍ଭାବନ ଅଶେଷ
ବୋଧହୁଏ
ବିଶ୍ୱାସ ଶବ୍ଦରେ ଲାଗିଲା ପ୍ରଶ୍ନବାଚୀ
ସିସି କ୍ୟାମେରା ଫୁଟେଜ୍ ଅଦ୍ୟ ଉବାଚି
ବୋଧହୁଏ
ଗୀତା ଉପରେ ହାତରଖି ସତ୍ୟ ନିଲାମ ହୁଏ
ବିଚରା ବିଶ୍ୱାସ ନ୍ୟାୟାଳୟରେ ନାଲିସ୍ ପାଏ ।।
