ବିଦାୟ ୨୦୨୨

ଦୁଇହଜାର ବାଇସି ବେଲ ସରିଲାଣି

   କହୁଛି ମେଲାଣି ଦିଅ,

ସମୟଟି ମୋର ଡାକରା ଦେଉଛି 

  କିଛି ବାର୍ତ୍ତା ମୋର ନିଅ ।

ତୁମ ଚଲାପଥେ ନୋହିବ କଳଙ୍କ

    ରୁହ ସଭିଏଁ ସତର୍କ,

 ଶିକ୍ଷା ପ୍ରଗତିରେ ବିଶ୍ଵବାସୀ ତୁମ୍ଭେ 

  ନ କରିବ କାର୍ଯ୍ୟ ମୁର୍ଖ ।

ତୁମକୁ ସାଉଁଟି ହେ ପୂର୍ବ ବରଷ

   ପାଳିବୁ ନୂଆଁ ବରଷ,

 ଭୁଲିବୁ ନି ଜମା ପ୍ରତିଟି ମୁହୁର୍ତ୍ତ

  ତୁମର ସେଇ ସ୍ମୃତି ପରସ ।

 

କେତେ ସୁଖଦୁଃଖ ଝଡ଼ଝଞ୍ଜା ଦେଇ

    ବିତିଗଲ ହେ ବରଷ,

ଆସିଥିଲ ଦିନେ ପୁଲକିତ ହୋଇ

    ସଭିଙ୍କୁ କରି ହରଷ ।

ତୁମ ସାଥେ ଯେଉଁ ବିତିଥିଲା ଦିନ

   ମିଠା ମିଠା ଅନୁଭୁତି,

ସେ ସମୟକୁ ଥରେ ମନେପକାଇଲେ

   ଲାଗୁଥାଏ ସଦା ପ୍ରୀତି ।

ଶୈଶବ ଯେମିତି ପରବର୍ତ୍ତୀ କାଳେ

    ଯୁବକରୁ ହୁଏ ବୃଦ୍ଧ ,

ଆସିଲେ ତ ଦିନେ ଯିବାକୁ ହିଁ ହୁଏ

    ସମୟ ସାଥେ ଆବଦ୍ଧ ।