କାନ୍ତକବି ଲକ୍ଷ୍ମୀକାନ୍ତ ମହାପାତ୍ର
କାନ୍ତକବି ଲକ୍ଷ୍ମୀକାନ୍ତ ମହାପାତ୍ର
ଓଡ଼ିଶାର ଗର୍ବ ସେ ପ୍ରିୟ ନାୟକ
ଅଟନ୍ତି ସେ ଲକ୍ଷ୍ମୀକାନ୍ତ,
ଶିଶୁଟିଦିନରୁ ଦେଶପ୍ରୀତି ପାଇଁ
କରନ୍ତି କଷ୍ଟ ଅକ୍ଲାନ୍ତ ।
କେତେ କଷ୍ଟ ସହି ଆନ୍ଦୋଳନ ପଥେ
କରିଛନ୍ତି ସେ ଉତ୍ସର୍ଗ,
ତଥାବି ନିଜକୁ ଚିହ୍ନେଇବା ପାଇଁ
କରି ନାହାନ୍ତି ସେ ଗର୍ବ ।
ଓଡ଼ିଆ କବିତା ଗଳ୍ପ ଉପନ୍ୟାସ
କେତେ ଯାଇଛନ୍ତି ଲେଖି,
ଓଡ଼ିଆ ସାହିତ୍ୟ ସୁଦୃଢ଼ ପଥରେ
ଏ ମାଟି ରହିଛି ସାକ୍ଷୀ ।
ବୃହତ୍ ଉପନ୍ୟାସ କଣାମାମୁଁ ଆଉ
ଗଳ୍ପଟି ବୁଢ଼ା ଶଙ୍ଖାରି,
ସେ କାହାଣୀ ସତେ ଜୀବନ୍ତ ଲାଗଇ
ଆସିଛି କି ଏବେ ଫେରି ।
ଜନମରୁ ଦୃଢ଼ ଦେଶ ପ୍ରୀତି ଭାବ
ଲେଖିଛନ୍ତି କେତେ ଗୀତି ,
ଓଡ଼ିଆ ମାଟିର ସୁଯୋଗ୍ୟ ସନ୍ତାନ
ବୀର ସେହି ମହାରଥୀ ।
ଉତ୍କଳର ଶୋଭ ଚାରୁ ଚିତ୍ରପଟ
କଳମେ କରି ବର୍ଣ୍ଣନା,
ପ୍ରତି ଓଡ଼ିଆଙ୍କ ମନେ ଉଭାକଲେ
ମାତୃଭକ୍ତିର ଭାବନା ।
ଓଡ଼ିଆଙ୍କ ଗର୍ବ ଗୌରବ ମହିମା
ଦେଶାତ୍ମ ଗୀତି କାହାଣୀ,
ଆଜି ସେହି ଗୀତ ହୃଦୟରେ ଶକ୍ତ
ବନ୍ଦେ ଉତ୍କଳଜନନୀ ।।