ଭୟ
ଭୟ
1 min
118
ଭୟ
ପଣିକିଆ ମନେ ନ ପଡିବାର
ଘର ପାଠ ନ କରିଥିବାର
ଖେଳୁ ଖେଳୁ ସଂଧ୍ଯା ହେବାର
ମା’ କୁ କହିଥିବା ମିଛ
ବାପାଂକ ପାଖେ ଧରାପଡିଯିବାର ।
ଭୟ
ତା ସହ କଥା ହେଲାବେଳେ
ସାଂଗ ମାନେ ଦେଖିଦବାର,
ତା ନାଁ ରେ ଚିଡେଇବାର,
ସେ ‘ଆଇ ଲଭ ୟୁ’ ର ଉତ୍ତର
ନା ରେ ଦବାର
ନହେଲେ ସାର୍ଂକୁ ଜଣେଇଦବାର ।
ଭୟ
ବି଼ଟେକ୍ ରେ ବ୍ଯାକ୍ ଲାଗିଯିବାର
ଦୋକାନରେ କଣ୍ଡୋମ୍ ମାଗିବାର
ତା ଦେହକୁ ପ୍ରଥମ ଥର ଛୁଇଁବାର
କ୍ଯାମ୍ପସ୍ ରେ ଚାକିରି ନ ମିଳିବାର
ସ୍ୱାଧୀନତାରେ ପୂର୍ଣ୍ଣଚ୍ଛେଦ ପଡିବାର ।
ଭୟ
ଦଶହରାରେ ଛୁଟି ମାଗିବାର
‘ବାହାଘର କେବେ ହବ’ ପ୍ରଶ୍ନର
ପ୍ରମୋଶନ ନ ମିଳିବାର
ପାନରୁ ଚୁନ, ପାଟିରୁ କଥା ଖସିଗଲେ
ଭିଡିଓ ଭାଇରାଲ ହେଇଯିବାର ।
ଭୟ
ଶାନ୍ତିରେ ଜିଇଁବାର,
ଶାନ୍ତିରେ ମରିବାର ।