ଲାଇବ୍ରେରୀ
ପ୍ରୋଫାଇଲ୍
ଭ୍ରମ ଭାର୍ଗବୀ
ଭ୍ରମ ଭାର୍ଗବୀ
1 min
135
ଶୀତ ସକାଳର ମହୁଆ ନିଶାରେ
ମନ ମତୁଆଲା ହୁଏ
ରଜନୀ ରାଣୀର ଭିଜା ପଣତକୁ
ସୁନେଲି କିରଣ ଧୁଏ
କିରଣ କାମିନୀ ଜହ୍ନର ଯାମିନୀ
ବସୁବତୀ ଭୁଆସୁଣି
ଖୁସିରେ ଖୁସିରେ ଉଡେଇ ଦିଏ ତା'
ହଳଦୀ ପଣତକାନୀ
ରକ୍ତ ଗୋଲାପର ରକ୍ତିମ ପାଖୁଡା
ଶିଶିର ସିକ୍ତ ସୁରଭି
ମୁକ୍ତା ମଣି ପରି ଚହଟେ ଚମକେ
ଲାଜ ଲାଜ ହୁଏ ରବି
ଶୀତ ରାଣୀ ତୁମେ ମୃଦୁ ମଦାଳସୀ
ଭୁଗର୍ଭ ଭ୍ରମ ଭାର୍ଗବୀ
ବନ୍ଦନା କରୁଛି ଚରଣେ ତୁମରି
ନମ୍ର ତୁମ ଦିବ୍ୟ ଛବି
