ବାଇଚଢ଼େଇ

ବାଇ ଚଢ଼େଇରେ ବାଇ ଚଢ଼େଇ

ବାଆ ବତାସକୁ ଡର ତୋ ନାହିଁ ।

ସୂତା ବୁଣି ବସା ବାନ୍ଧୁ ଚଞ୍ଚଳେ

ଝୁଲୁଥାଉ ତାଳ ବାହୁଙ୍ଗା ତଳେ।

ନୀଳ ଗଗନରେ ଭାସି ବତାସେ

ଉଡ଼ୁଥାଉ ବୁଲି ଖୋଲା ଆକାଶେ ।

ଶୀତଳ ପବନ ତୋ ଦେହେ ଲାଗେ

ସବୁ କାମେ ରହୁ ତୁ ସଦା ଆଗେ ।

ଗହନ ବନରେ ଖୋଜୁ ଆହାର

ଶକତ ମନଟି ଅଟେ ତୋହର ।

ଜାଣି ନାହୁଁ ବୋଲି କପଟ ଛନ୍ଦ

ସେଲାଗି ଦଇବ ରଖିନି ମନ୍ଦ ।

ସୁବାସ ସୁମନ ସମ ଜୀବନ

ବିହଙ୍ଗ ଜାତିଟା ତୋ ଲାଗି ଧନ୍ୟ ।

ଶିଖରେ ମାନବ ଏ ଦିନଚର୍ଯ୍ୟା

ଯାହା କରେ ବାଇ ଚଢ଼େଇ ରଜା ।

ରଖିଥିଲେ ଧର୍ମ କର୍ମରେ ମନ

ବିଭୁ କୃପା ପାଇ ହେବ ମହାନ ।

ନାହିଁ ପ୍ରଭୁ ବିନା ମୁକତି ପଥ

କହେ ଏହି ବାଣୀ ଅମର ନାଥ ।