ଅପେକ୍ଷାରେ
ଅପେକ୍ଷାରେ
କାକର ଭିଜା ମନ ଭିଜାଭିଜା ଘନବନ
ସଦ୍ୟସକାଳର ଚିକ୍ ମିକ୍ ଆଲୋକରେ
ଚୁନା ଚୁନା ବିଚ୍ଛୁରିତ ସେ ଆଭା
ସବୁକିଛି ପରିବର୍ତ୍ତିତ ରାତିକ ଭିତରେ
ମନ,ଚେତନା,ଦୃଷ୍ଟି,ଦୃଷ୍ଟିକୋଣ ।
ଚେନାଏ ଖୁସି ଟୋପାଏ ଆଶା
ଅପେକ୍ଷାରେ ନଦୀକୂଳେ ଏକାଏକା
ଖୋଜିବୁଲୁଚି ସମୟକୁ ବାନ୍ଧି ।
କାହା ପଣତରେ ଟିକେ ଢଳିଯିବ
କାହା କୋଳେ ଅବା ଲୋଟିଯିବ
କାହା ପାଦରୁ କାଦୁଅ ଧୋଇଦବ
କାହା ମୁଣ୍ଡରୁ କଳଙ୍କ ଲିଭେଇଦବ ବୋଲି ।
କଷଣ ରେ ଉବୁଟୁବୁ ଜଗତ
ଲହଡି ଭାଙ୍ଗେ ବିଦ୍ୱେଷ ଅବିରତ
କାମ କାମୀଙ୍କ ନୀତି ପୁଣି ବିପରିତ ।
ଏ ଚେନାଏ ଖୁସି ନିଜେ
ଝରି ଯିବାକୁ ଉଚ୍ଛୁକ
ନିଷ୍ପାପ ଆଦ୍ୟସିକ୍ତା କିସଳୟ ଉପରେ
କଳସିଟିଏ ହୋଇ,
ଧୋଇବାକୁ ମନ
ସେ ପାପଭରା କାଳିମାକୁ
ପୋଛିବାକୁ ମନ
କୋହଭରା ବେଦନାକୁ
ପରୀ ପରି କେତେକେତେ
କଳିକାର ଅଦୃଶ୍ୟ ଭାଗ୍ୟକୁ ।