ଆଶାର ଆଲୋକ ସବୁଜ

        

ପ୍ରକୃତିର ସବୁଜିମା ଫୁଟିଉଠେ ଶରତର ଆଗମନେ

ଶସ୍ୟ ଶ୍ୟାମଳା ଧରିତ୍ରୀ ମନ ଟାଣେ ଦୃଷ୍ଟି ନିକ୍ଷପନେ l

ଚକ୍ଷୁ ଯୁଗଳ ହୁଏ ପରିପୁଷ୍ଟ ସବୁଜିମାର ଚିର ଦର୍ଶନେ

ବିଧାତା ଗଢ଼ନ୍ତି ସ୍ୱର୍ଗ ରାଜ୍ୟ ବିଶ୍ୱେ ସବୁଜ ଦଣ୍ଡ ଧରଣେ l

ସବୁଜ ପ୍ରାନ୍ତର ଦୂରୁ ଦର୍ଶକ ଚିତ୍ତକୁ କରେ ଉଦ୍ଭାସିତ

ବିରାଜମାନ ହୁଅନ୍ତି ସେଠାରେ ପ୍ରିୟ ପ୍ରାଣେ ଉନ୍ନତ l

ସବୁଜ ଆଲୋକର କ୍ଷୀଣ ଆଭା ନିଦ୍ରା ଦେବୀଙ୍କ ମିତ

ପଲଙ୍କ ଉପରେ ଶୟନରତ ନରନାରୀ ସୁସ୍ଵପ୍ନେ ପ୍ରୀତ l

ପ୍ରକୃତି ରାଣୀର ବସନ ଆଭୂଷଣେ ଫୁଟି ଉଠେ ଝଲକ

ସବୁଜ ବନାନୀ ଶୁକ ପକ୍ଷୀ ସ୍ଵରେ ଝଙ୍କାରେ ଆଶ୍ଵାସକ l

ଭଦଭଦଳିଆ କର୍କଶସ୍ଵରେ ଦେଖେଇ ହୁଏ ତା ସବୁଜିମା

ମନ ମୋହିନିଏ ସବୁଜ ପକ୍ଷ ତାର ଶିକାରେ କରିତକର୍ମା l

ସବୁଜ ପତ୍ର ଅଟେ ଜୀବନ ବିକାଶର ମୁଖ୍ୟ ସନ୍ତକ ସୂତ୍ର

ଅଜଣା ହୁଅନ୍ତି ବଣା ଜ୍ଞାନୀ ହୁଅନ୍ତି ଜୀବନ ସ୍ରୋତର ମିତ୍ର l

ସବୁଜ ସ୍ୟାହି ଶୋଭା ପାଏ ଅଧିକାରୀଙ୍କ ଲେଖନୀ ମୁନେ

ମନ କରି ପୁରନ୍ତା ସକାରାତ୍ମକ ଗୁଣେ ତନୁ ଭରା ଯୌବନେ l

ଉଗ୍ର ପ୍ରକୃତିକୁ ପ୍ରଶମିତ କରି ପୂର୍ଣ୍ଣ କରେ ମନେ ସୁଖ ଶାନ୍ତି

ସେଇ ଯେ ସବୁଜ ପତର ରଙ୍ଗ ଦୂରକରେ ସଦା ମନୁ ଭ୍ରାନ୍ତି l

ସବୁଜ କିଶଳୟ ମଣ୍ଡିତ ବୃକ୍ଷରାଜି ଉର୍ବର କରଣେ ଦୃଷ୍ଟି ଶକ୍ତି

ବୈଦିକ ଯୁଗରୁ ଅତ୍ୟାଧୁନିକ ଯୁଗ ଯାଏଁ କରେ ଜନମନ ତୃପ୍ତି l

ସବୁଜ ତୃଣ ଭୂମିରେ ପଦଚାରଣ ସଞ୍ଜ ସକାଳେ ଅମୃତ ସମ

ସଶକ୍ତି କରଣେ କାୟ ମନ ହୃଦୟ ବଢ଼ାଏ ମାନବୀୟ ପ୍ରେମ l

ନିରାଶାର ଅନ୍ଧକାର ପାରିବର୍ତ୍ତିତ ହୁଏ ଆଶାର ଆଲୋକେ

ଯେବେ ସବୁଜ ରଙ୍ଗର ଆଦର କରିଥାନ୍ତି ସଂସାରୀ ଲୋକେ l

ହାର୍ଦ୍ଦିକ ପ୍ରେମର ସନ୍ତକ ଏହି ଶାଶ୍ୱତ ରଙ୍ଗ ସବୁଜ ଚିରନ୍ତନ

ମାନବ ଜୀବନକୁ କରେ ସମୃଦ୍ଧ ଭାଇ ଚାରାରେ ଆକଳନ l

ରବିଦତ୍ତ ଜାଗତିକ ସପ୍ତ ରଙ୍ଗର ସମାହାର ମାନବ ଜୀବନେ

ପ୍ରତି ରଙ୍ଗ ତାର ମହତ୍ତ୍ୱ କରେ ପ୍ରକାଶ ଗିରି ନଦ ଓ କାନନେ l