वर्षाअखेर
वर्षाअखेर
सरता सरता हे वर्ष
अश्रू हृदयात दाटिले
स्वप्नी पाहिले जे ध्येय
प्रयत्न करीता राहिले
का कोण जाणे मनी उणीव उरे
सोबतीस तू असावयास हवे....
उणीव तुझी रोजच जाणवे
आठवण येताच क्षणी
अश्रु नयनात साठिले
जग जिंकूनही आज
माझ्या विश्वात मी हरे
का कोण जाणे मनी उणीव उरे
सोबतीस तू असावयास हवे....
तुझ्या कुशीत येऊनी
मन आनंदी होई
हात तुझा डोईवरून फिरता
सारे दुःख दूर होई
का कोण जाणे मनी उणीव उरे
सोबतीस तू असावयास हवे....
भानावर येताच क्षणी
जीव मात्र कासावीस होई
तुझ्या सोबत नसण्याची जाणीव
खूप त्रास देई
का कोण जाणे मनी उणीव उरे
सोबतीस तू असावयास हवे....