वेध तुझे....

सख्या तुझ्या रूपाने मज

घातली अशी भुरळ,

वाटे मजला असे

सदा असावे तु जवळ!

तुझ्याविना लागत नाही

कुठेच माझे मन,

तुझ्यासवे बोलतांना वाटे

थांबून जावे हे क्षण!

दुर न जावे माझ्यापासूनी

हेच ईश्र्वराशी मागणें,

विचारात तुझ्या रूचे मजला

रात रात जागणे!

सलामतीचे तुझ्या मी

रोज घाली साकडे,

ढाल मी तुझ्यासमोरी

जरी कोणी चिंती वाकडे!

न ओसरणार कधीच

माझ्या प्रेमाची लाट,

हात तु दे एकदा

निभवीन सात जन्माची साथ!