तुझा ही होकार असेल का..?
तुझा ही होकार असेल का..?
पाहताच तुझ्या प्रेमात पडणारा मी
पण तुलाही माझ्यात रस असेल का
प्रेमाची वाट एकत्र चालायची म्हंटले
तर तुझा ही "होकार" असेल का...?
असेन मी जर काळोखी आभाळ
तर तू चांदणं होवून 'सजशिल' का
अंधारात कधी भरकटलो मी तर
पणती होवून माझ्यासाठी 'जळशिल' का...?
असेन मी जर मोकाट पतंग
तर तू त्याला सांभाळणारा धागा होशील का
इच्छा असेल पतंगाची उडण्याची तर
बंधन त्या धाग्याचे सुटेल का...?
असेन मी जर सुगंधाला भुळणारा सारंग
तर तू त्याला भुळवणारी कस्तुरी होशील का
वारा होवून स्वार झालो फुलांवरती
मोगरा होवूनी दरवळ फक्त तुझाच असेल का...?
असेन मी प्रेमाचे अपूर्ण चित्र
तर तू रंगवून ते पूर्ण करशील का
शेवट होईल या प्रेमाचा जेव्हा आपल्या
त्या क्षणीही तू माझ्या सोबत असशील का...?
असेन मी जर तुला लिहिणारा कवी
तर तू लगेच मिळणारी कविता होशील का
जाहलो आपण एक निबंध प्रेमाचा
तर त्यातले अक्षर सुवाच्च असेल का...?