तो पाऊस

तो पाऊस नव्हेत हा

ज्यानं सृष्टी सजविलीय,

या पावसानं नुकसानीचा

उच्चांक मोठ्ठा प्रस्थापिलाय. 

त्या पावसाच्या आगमनाने

प्राणिमात्रांस हर्ष होतसे,

या पावसाच्या आगमनाने मात्र

जीवाचा थरकाप उडतसे .

काही जीव वाहून गेले

तर काही बिचारे बुडून मेले,

प्राणिमात्रांची झाली दैना

तर अनेक जीव उपाशी मेले.

बळिराजाची बुडाली दुनिया 

पिकं सारी पाण्यात गेली,

चारा सारा कुजून गेला

गाई गुरे दावणीलाच मेली.