थोडं हसू द्या ना

चला चला याना थोडं हसू द्याना

गालावर हास्य थोडं फुलू द्याना ।

हसताना कधी दिसतात हो दात

लपविण्या साठी जुळतात हात ।

कधी हलतात नुसतेच हे ओठ

खळखळून हसताना हलते ना पोट ।

हा हा करतो आवाज किती मोठा

मात्र हसतो तो कधी खोटा खोटा ।

हसायला काय हवे ते तर सांगा

मनाशीच मनाचा घालायचा दंगा ।

हवा थोडा आनंद जरासा उत्साह

अंतरातला मग निघतो ना हो दाह ।

हसा थोडे आणि मग हसतच राहा

जीवन हे छान किती जरा तुम्ही पहा ।