लाइब्रेरी
प्रोफाइल
स्पर्धेसाठी कविता -आधार
स्पर्धेसाठी कविता -आधार
1 min
448
सोडुनिया गेले सारे
सख्या तुझाच आधार
मज टाकूनी एकटा
बांधू नको नवे घर
घाम गाळून उन्हात
केले रक्ताचे हे पाणी
दारिद्र्याच्या संसाराला
गोंजारल मोत्यावानी
झोळी पाठीला बांधून
उन्हामध्ये चाले काम
घाम पाजळे अंगाचा
कष्टासाठी उभी ठाम
सारं सोडुनिया धनी
आज वाऱ्यावर आलो
पोटच्यांनी लुटुनिया
आज भिकारी हो झालो
घरदार शेती तुम्ही
त्यांच्या नावावर केली
जगी आधार संपला
पहा काय दशा झाली
चोहीकडे बघा आता
कसे आभाळ फाटले
दुःख पाहुन जन्माचे
अश्रू डोळ्यात आटले
धरू नका दुःख धनी
मन होत सुनं सुनं
तुझ्या अगोदर व्हावं
माझ्या आयुष्याचं सोनं
