सारे जहाँ से अच्छा..

सारे जहाँ से अच्छा है ये हिंदुस्तान हमारा 

लहानपणापासून खुप वेळा ऐकला नारा

पण खरच आहे का असे देश आपला प्यारा 

देशात चाले काय याचा अंदाज आहे का खरा

कुठे जातीवरून भांडणे कुठे रक्तपात होतो

कुठे विश्वासघात तर कुठे नरबळी हा जातो

आपल्याकडूनच प्रेमाचा खून करण्यात येतो

पाठीत खंजीर खुपसून सखा मैत्रीचा घोट घेतो

नाहक असे कारण विनाकारण होई घातपात

भ्रष्टाचारामुळे भररस्त्यात घडतो मग अपघात

कसं म्हणावे मग सर्वांहून चांगला भारत माझा

जिथे खोटेपणाची सत्यावर सहज करूनी मात

बोलावे तैसे करावे म्हणून बांधा चंग उरी नवा

घडवू पुन्हा एकदा हा भारत देश सुंदर असा

जिथे नसे भेद नसे कोणताही वाद जनमाणसा 

सुज्ञान नागरीक होऊन करू भारत देशास उभा

©® कृतिका कांबळे