रामाची भूपाळी
रामाची भूपाळी
उठोनिया प्रातःकाळी । जपा रामनामावळी ।
स्वये ध्यातो चंद्रमौळी । शैलबाळीसमवेत ॥ ध्रु. ॥
राम योग्यांचे मंडण । राम भक्तांचे भूषण ।
राम धर्मांचे रक्षण । संरक्षण दसांचे ॥ १ ॥
रामे तटका मारिली । रामे शिळा उध्दरिली ।
रामे जानकी पर्णिली । गणिका केली ते मुक्त ॥ २ ॥
रामे पाषाण तारिले । रामे दैत्य संहारिले ।
रामे बंदी सोडविले । मुक्त केले सुरवर ॥ ३ ॥
रामे रक्षीले भक्तांसी । रामे सोडविले देवांसी ।
रामदासाचे मानसी । रामदासी आनंद ॥ ४ ॥