प्रेम नसतं फक्त
प्रेम नसतं फक्त
प्रेम नसतं फक्त दाखवण्यासाठी
ते असतं आयुष्यभर जपण्यासाठी
प्रेम नसतं मजबुरीन सोडण्यासाठी
ते असतं मरूनही जिवंत राहण्यासाठी !
प्रेम नसतं फक्त बघण्यासाठी
ते असतं काहीतरी वेगळ करण्यासाठी
प्रेम नसतं तू माझा ,मी तुझी म्हणण्यासाठी
ते असतं नविन इतिहास घडविण्यासाठी !
प्रेम नसतं तू मला आवडतेस म्हणण्यासाठी
ते असतं मनातील भावना मोकळ्यापणान सांगण्यासाठी
प्रेम नसतं फक्त हसण्यासाठी
ते असतं दु:खात एकमेकांच्या सहभागी होण्यासाठी !
प्रेम नसतं कधी लपवण्यासाठी
ते असतं वेळ ,काळाच भान ठेवण्यासाठी
प्रेम नसतं फक्त जीवन जगण्यासाठी
ते असतं एकमेकांना प्रत्येक वळणावर साथ देण्यासाठी !
प्रेम नसतं फक्त मी तुझ्यावर प्रेम करतो म्हणण्यासाठी
ते असतं म्हणेन ते करण्यासाठी
प्रेम नसतं कधी आपला नफा करून घेण्यासाठी
ते असतं एकमेकांच सुख साधण्यासाठी !
प्रेम नसतं फक्त एकमेकांना विचारण्यासाठी
ते असतं दोघांनीही निभावण्यासाठी
प्रेम नसतं फक्त करण्यासाठी
ते असतं एकमेकांची काळजी घेण्यासाठी
ते असतं सदैव एकमेकांना मनात बसवण्यासाठी