लाइब्रेरी
प्रोफाइल
नातं
नातं
1 min
71
तुला पाहिलं तवाच
तू भरली मनात
तुझ्यामुळे गं जुळलं
माझं लेखणीशी नातं!!
सखे मांडत राहिलो
मी मनातलं सारं
तू होतीस म्हणून
आली लेखणीला धार!!
किती आठवावे तुला
रोज झुरुन झुरुन
प्रेम तुझे या वेड्याला
दे गं आभाळभरून!!
राधा तू गं सावळ्याची
जरा असु दे तू भानं
तुझ्याविना काळजाच
दिसें ओसाड हे रानं!!
तुझ्या प्रेमाच्या सरीत
वाटे चिंब मी भिजावं
दुःख विसरून सारं
तुझ्या मिठीत निजावं!!
सखे झालीस गं ढाल
तू तळपती तलवार
तू आहेस म्हणून
आहे लेखणीला धार!!
