लाइब्रेरी
प्रोफाइल
लाडकी
लाडकी
1 min
237
माझ्या लाडक्या लेकीचं
कसं कौतुक मी करू
माझ्या पदरात चंद्र
त्याला कशी मी आवरू
हसू लाडिक डोळ्यांत
पडे प्रेमानं गळ्यांत
लाडीगोडी लावतांना
लागे भोवताली फिरू
अशी लावण्य पुतळी
पडे गालावर खळी
हिच्या हास्यातून दारी
लागे चांदणं.पाझरू
शब्द हिचा जणू गाणं
पैंजणांची रूणझूण
माझ्या बागेतली वेल
आता लागली बहरू
सुख हिच्या पायी आलं
घर आनंदानं न्हालं
माझ्या लाडक्या पिलाची
कशी दृष्ट मी उतारू
