कल्पनांची स्वप्ननगरी...

कल्पनांचे स्वप्न गुच्छ कसे बांधावे मनी

सुंदरता त्यास येण्या हवी प्रयत्नांची संगिनी 

विचारांतून दिसावी आत्मविश्वासाची अंकणी 

तरच प्रत्यक्ष दिसेल नयनी कल्पनांची स्वप्ननगरी

मुल्य याचे विशाल इतके कसे मांडावे शब्दांतुनी

इच्छांची ही साखळी जुळे असंख्य प्रयत्नपाकळ्यांनी

स्वबळ असेल मजबूत तर अमर्याद संधींची ही पर्वणी

मेहनत,मनोबल अन् हाती यश अशी याची सुत्रसारणी

 

प्रत्येकाच्या इच्छांसाठी नैक दिशांची ही क्षेत्रांकणी

कला,कौशल्य,शिक्षणाच्या प्रवाहाची ही तरंगिणी

सुवर्ण पालवीने सजलेली स्वप्नांची ही कलानगरी

कल्पनांच्या नगरी दिसे कष्टकऱ्यांची गगनभरारी