लाइब्रेरी
प्रोफाइल
कळायचंच राहिलं!!!
कळायचंच राहिलं!!!
1 min
238
बेधुंद चालताना पायाकडे पाहायचंच राहिलं,
मोडलेल्या काट्यांच्या वेदनांसाठी थोडं रडायचंच राहिलं!
क्षितिजाकडे चालताना, सुर्यास्ताची लाली डोळ्यात भरायचंच राहिलं,
अंधाराच्या भीतीने विझत्या दिव्याला तेल घालायचंच राहिलं!
तुझ्याबरोबर चालताना तुझ्याकडे पाहायचंच राहिलं,
हातात हात घालताना डोळ्यात डोळे घालायचंच राहिलं!
पुढे निघून जाताना मागे वळायचंच राहिलं,
स्वतःला कोणत्या वळणावर विसरले हे कळायचंच राहिलं!!!
