जगावं कसं

रोजगार गेला भाकरी गेली 

आता जगावं कसं? 

माझ्या एकट्याच्या हाताने घर चालतं 

आता मरावं तरी कसं...? 

बायको-मुलांची भूक मिटवायची 

त्यांचं पोट भरावं कसं? 

बाहेर निघणं कठीण झालं 

भाकरी शोधावं तरी कसं? 

होतं-नव्हतं सगळं संपलं 

जेवण बनवायचं तरी कसं?

कमवलेले पैसे ही संपले

आता पैसे ही कमवावं कसं? 

खरंच काय दोष आम्हा गरिबांचा 

कुणासमोर रडावं तरी कसं? 

या महामारीमुळे एकच प्रश्न

आता जगायचं तरी कसं...?