इंद्रधनु
इंद्रधनु
आयुष्यही असेच असावे इंद्रधनुच्या रंगांपरी
आठवांचा मोगरा बहरावा तुझ्या सुगंधापरी
मंद धुन यावी बासुरीची धुंदवणारी
ओढ तव भेटीची मनी जागवणारी
अबोल माझी प्रीत ह्रदयातून झरणारी
तना-मनातील भाव नयनी पाझरणारी
साद तुझी ऐकताना अंग अंग चेतविणारी
पहाट वारा फुलांसवे गुंजारव भ्रमरापरी
चिंब पावसात भिजूनी मोहरणार्या लतेपरी
आठवताच प्रथम स्पर्श लाजणार्या बकुळीपरी
शब्द तुझा दिन-रात मनी प्रेमगीतापरी
ह्रदयी तुझा आठवावा संग गुलाब अत्तरापरी
वाटे तुला बिलगावे अखंड समुद्र लाटांपरी
मी माझी न रहावी तुझ्यातच विरघळावे दुधातील साखरेपरी
इंद्रधनुच्या रंगांसम मिलन व्हावे प्रीती संगमापरी
शुभ्र धवल प्रकाशाचे गीत गावे जीवनभरी