देवी कत्यायनी

अश्विन शुद्ध षष्ठी

दिवस सहावा नवरात्रीचा

सोनेरी तेजस्वी वर्णाच्या

देवी कत्यायनी च्या पुजनाचा

दुर्गेचे हे रूप सहावे

ऋषी कत्यायनांच्या घरी प्रकटले

कन्या रूपी जन्म घेतला

कत्यायनी हे नाव मिळाले

चार भुजांची ही देवता

एका हाती आशिर्वाद देते

दुस-या हाती अभय

तिस-या तलवार चौथ्या कमळ

करता उपासना साधकाला

होते धर्म अर्थ काम मोक्षाची प्राप्ती

नष्ट होते एका क्षणात

रोग शोक संताप भय

देवीचे हे रूप आगळे

प्रतिक आहे संयम साधनेचे

कत्यायनी देवीच्या उपासनेने

जिवन सुख समृद्धीने भरते