आयुष्याची गती

आयुष्याची गती । मोठी आहे भाऊ ।।

तडफड ठेवू ।।। अंतरात ।।१।।

घरी सुना पोरे । बोलती टोकाची ।।

गर्जना ढगाची ।।। होई तैशी ।।२।।

दिसतो घरात । आम्ही अडगळ ।।

होई मळमळ ।।। बघ त्यांना ।।३।।

रंग दिले आम्ही । कुटुंबाला सदा ।।

येई तरी गदा ।।। जीवनी या ।।४।।

वाटे माया खरी । वृध्दाश्रम असे ।।

जग शुन्य भासे ।।। व्यथेने या ।।५।।

येते साऱ्या जना । वार्धक्य शेवटी ।।

तोडू नये रोटी ।।। त्यांची कधी ।।६।।

येई जरी आम्हा । एकाकी जीवन ।।

हास्याचे रान ।।। पेरू चला ।।७।।

आभाळ कोसळे । वृध्दावरी जरी ।।

ठेवा देव मनी ।।। जगायला ।।८।।