നന്ദിനിയുടെ നീതി

                (മുഹമ്മദ് നെസ്മൽ.എൻ)

ഈ ലോകത്ത്
സ്ത്രീകളുടെ നേരെ നടക്കുന്ന അതിക്രമങ്ങൾ പലപ്പോഴും കണ്ടില്ലെന്ന് നടിക്കുന്നു. അതിന്റെ പിന്നിൽ ചിലപ്പോൾ അധികാരവും, രാഷ്ട്രീയവും, പദവിയും,പണവും ആയിരിക്കും. നമ്മുടെ നാട്ടിലെ നിയമമാണ് ആദ്യം മാറ്റേണ്ടത്. അത് മാറ്റാത്തിടത്തോളം കാലം മുഴുവനും സ്ത്രീകൾക്ക് ഈ നാട്ടിൽ ഒരു സുരക്ഷിതത്വവും ഉണ്ടാകില്ല. എല്ലാ സ്ത്രീകളുടെയും നീതി തേടി…

 കഥ ആരംഭം 

( കുടുംബത്തിന്റെ സന്തോഷം )

ഒരു കൊച്ചു ഗ്രാമം. അതിൽ ഒരു കൊച്ചു വീട്. അവിടെയാണ് നമ്മുടെ കഥ തുടങ്ങുന്നത്. ഒരു അമ്മയും അവരുടെ മൂന്ന് മക്കളും.
രണ്ടാൺമക്കളും ഒരു പെണ്ണും. അവരുടെ കൊച്ചിലെ തന്നെ അവരുടെ അച്ഛന്റെ മരണം സംഭവിച്ചിരുന്നു.
അവരുടെ ഏറ്റവും മൂത്ത മകൻ കിരൺ. ഇളയവൻ ആനന്ദ്. ഏറ്റവും ഇളയത് നന്ദിനിക്കുട്ടി. അച്ഛന്റെ മരണശേഷം ആ വീടിന്റെ എല്ലാ ഉത്തരവാദിത്വവും മൂത്തവനായ കിരൺ ഏറ്റെടുത്തിരുന്നു. രണ്ടാമത്തെ അനുജനെ അവൻ നന്നായി പഠിപ്പിച്ചു, ആ ഗ്രാമത്തിലെ എസ്‌.ഐ ആയി മാറ്റി. കുട്ടിയെ ഡോക്ടറായി പഠിപ്പിച്ചു.

(സന്തോഷം ഇല്ലാതായ നിമിഷം )

പക്ഷെ, അവൾ പഠിച്ചു തിരിച്ചു വരുന്ന സമയത്ത്, അവളെ കുറെ ആളുകൾ ചേർന്ന് ഉപദ്രവിച്ചു. ഇത് അവർക്ക് സഹിക്കാൻ കഴിഞ്ഞില്ല. അവരുടെ കുടുംബത്തിലെ സന്തോഷം ഇല്ലാതായി. കിരണിന്റെ മനസ്സിൽ പ്രതികാരം ഉയർന്നു. നന്ദിനിക്കുട്ടിയുടെ ഓർമ്മ നഷ്ടപ്പെട്ടു, അവൾ ഭയന്നു പോയി. ആ പഴയ നന്ദിനിക്കുട്ടി അവർക്ക് നഷ്ടപ്പെട്ടു.
സഹോദരനായ ആനന്ദ് എസ്.ഐ ആയിരുന്നിട്ടും അവൾക്ക് ഈ ഗതി വന്നല്ലോ എന്ന് ഓർത്ത് അമ്മ സങ്കടപ്പെട്ടു. എന്നാൽ കിരണിന് ഒരു ദിവസം അറിവ് കിട്ടി. അവളെ ഉപദ്രവിച്ചവന്മാർ ഒരു പഴയ ഗോഡൗണിൽ ഉണ്ടെന്ന്. അവിടെ കിരൺ എത്തി അവർക്ക് നൽകാവുന്നതിൽ വച്ച് വലിയ ശിക്ഷ തന്നെ നൽകി അവരുടെ മരണം.

(നീതി നിയമവും മുഖാമുഖം)

അങ്ങനെയിരിക്കെ ആ സമയത്ത് ആ സ്ഥലത്ത് ആനന്ദ് എത്തി ചേട്ടനെ അറസ്റ്റ് ചെയ്തു.
കിരണും ആനന്ദും തമ്മിൽ:
ആനന്ദ് നടന്ന് അവന്റെ ചേട്ടന്റെ അടുത്തേക്ക് എത്തി. ചേട്ടന്റെ കയ്യിൽ ഒരു കത്തിയുണ്ടായിരുന്നു അതിൽ നിറയെ രക്തം. അവൻ ആ കത്തി ചേട്ടന്റെ കൈയ്യിൽ നിന്ന് വാങ്ങി. എന്നിട്ട് പറഞ്ഞു ചേട്ടാ… ചേട്ടനെ എനിക്ക് അറസ്റ്റ് ചെയ്തേ പറ്റൂ.
"നിനക്ക് എന്നെ അറസ്റ്റ് ചെയ്യണമെന്നോ? നന്ദിനിക്കുട്ടി നിന്റെയും സഹോദരിയാണ്. അവളെ ഇല്ലാതാക്കാൻ ശ്രമിച്ചവരെയാണ് ഞാൻ ഇല്ലാതാക്കിയത്. എന്നാൽ നിനക്ക് എന്നെ അറസ്റ്റ് ചെയ്യണമെന്ന് ?"
" നിയമം ആർക്കും കയ്യിലെടുക്കാൻ അനുവാദമില്ല. തെറ്റ് ചെയ്യുന്നവർ ആരായാലും നിയമത്തിന്റെ വഴിയിൽ അവർക്ക് കിട്ടേണ്ട ശിക്ഷ കിട്ടുക തന്നെ ചെയ്യും. ശരിയാ തെറ്റ് ചെയ്യുന്നവർക്ക് നിയമം ശിക്ഷ നൽകും അതാണ് ശരി എന്നാൽ നന്ദിനിക്കുട്ടിയുടെ കാര്യത്തിൽ നിന്റെ നിയമം എവിടെ പോയി ആനന്ദ് ! ചേട്ടാ നന്ദിനിക്കുട്ടി എന്റെയും സഹോദരിയാണ് ഞാൻ അവർക്ക് കിട്ടാവുന്നതിൽ വച്ച് വലിയ ശിക്ഷ തന്നെ വാങ്ങി കൊടുത്തേനെ പക്ഷേ അതിനുമുമ്പ് ചേട്ടൻ… അതിന് ഇപ്പൊ എന്താ നിന്റെ നിയമം നടപ്പിലാക്കുന്നതിന് മുമ്പ് എന്റെ നീതിയെ ഞാൻ നടപ്പിലാക്കി എനിക്കതിന് യാതൊരു കുറ്റബോധം തോന്നുന്നില്ല.

ചേട്ടൻ പറഞ്ഞതെല്ലാം ശരിയാണ് ഞാൻ അതെല്ലാം അംഗീകരിക്കുന്നു. പക്ഷേ ഇപ്പോൾ ചേട്ടനെ അറസ്റ്റ് ചെയ്തേ കഴിയൂ. ചേട്ടനും അതല്ലേ എന്നെ പഠിപ്പിച്ചിരിക്കുന്നത് തെറ്റ് ചെയ്യുന്നത് നമ്മുടെ അച്ഛനായാൽ പോലും നമ്മൾ നിയമം നടപ്പിലാക്കണമെന്ന്… ശരിയാണ് ആനന്ദ് ഞാൻ പറഞ്ഞിരുന്നു തെറ്റ് ചെയ്യുന്നവർ ആരായാലും നിയമം നടപ്പിലാക്കണമെന്ന്. അത് നിനക്ക് ഇപ്പോൾ എന്നിലും നടപ്പിലാക്കാം നിനക്ക് എന്നെ അറസ്റ്റ് ചെയ്യാം. പക്ഷേ ആനന്ദ് നീ ഒന്ന് ചിന്തിക്കണം ഈ നിയമമെല്ലാം നടപ്പിലാക്കേണ്ട രീതി നടപ്പിലാക്കുന്നത് വരെ ഈ നാട്ടിലുള്ള ആർക്കും ഒരു നീതിയും ലഭിക്കില്ല.
അങ്ങനെ വരുമ്പോൾ നീതി തേടി ഇനിയും ആളുകൾ ഇറങ്ങും ആനന്ദ്.
നിയമം നടപ്പിലാക്കേണ്ട രീതി നടപ്പിലാക്കുന്നത് വരെ……