അവൾ

ഏകദേശം പറഞ്ഞാൽ ഒരു വൈകുന്നേരം ആ വാകമര ചുവട്ടിലെ ബസ്റ്റോപ്പിൽ വെച്ചാണ് അവളെ ഞാൻ ആദ്യമായ് കാണുന്നത്. കണ്ട മാത്രയിൽ എനിക്ക് അവളെ ഇഷ്ടപ്പെട്ടു. നീട്ടി വരച്ച കണ്ണുകളും, മുല്ല മൊട്ടുകൾ പോലെയുള്ള പല്ലുകളും, നീണ്ട മൂക്കും ആകെ പറഞ്ഞാൽ ഒരു കൊച്ചു പൂമ്പാറ്റയെ പോലെ സുന്ദരി ആയിരുന്നു അവൾ. അവളെ അന്ന് അവിടെ കണ്ടപ്പോൾ മുതൽ ഞാൻ വാകമര ചുവട്ടിലെ സ്ഥിരം സന്ദർശകനായി. എന്നാൽ അവൾ എന്നെ നോക്കി ഒന്ന് ചിരിക്കുക പോലും ചെയ്തിട്ടില്ല എന്നതാണ് പരമമായ സത്യം. അങ്ങനെ ഒരു തിങ്കളാഴ്ച ഞാൻ അവളോട് എന്റെ പ്രേമം തുറന്നു പറഞ്ഞു. കുട്ടി, എനിക്ക് കുട്ട്യേ പെരുത്തിഷ്ട്ടാണ്. ആ നാവ് അകത്തിടുന്നതിനു മുൻപ് അവളുടെ കൂട്ടുകാരി മറുപടി പറഞ്ഞു ചേട്ടാ രേവതി ഊമയാണ്. അത് കേട്ട പാടെ ആദ്യം മനസിൽ സങ്കടം തോന്നിയെങ്കിലും പിന്നീട് അത് അവളോടുള്ള ഇഷ്ടം പെരുകാൻ കാരണമായി.

2)അവളുടെ പിറകെ നടപ്പ് പിന്നീടൊരു ദിനചര്യ ആയിമാറി. മൂട്ടിൽ വെയിലടിക്കുന്ന വരെ കിടന്നുറങ്ങുന്ന ലെ ഞാൻ അതിരാവിലെ എണീക്കാൻ തുടങ്ങി. നന്നേ ഒരു പാട്ടു പോലും പാടാത്ത ഞാൻ മൂളി പാട്ടുകൾ പാടി തുടങ്ങി. ഞാൻ ആളാകെ മാറി എന്നത് എനിക്ക് മാത്രമല്ല ആ വീട്ടിലെ എല്ലാർക്കും തോന്നിപ്പിക്കുന്ന വിധം ആയിരുന്നു എന്റെ പെരുമാറ്റങ്ങൾ. ദിവസങ്ങൾ കടന്ന് പോയ്‌, മാസങ്ങൾ കടന്ന് പോയ്‌ എന്നിട്ടും അവളുടെ ഭാഗത്തു നിന്ന് ഗ്രീൻ സിഗ്നലോ അറ്റ്ലീസ്റ്റ് ഒരു ചിരിയോ, ഒരു തിരിഞ്ഞു നോട്ടമോ ഉണ്ടായിട്ടില്ല. അത് എന്നെ വല്ലാണ്ട് തളർത്തി. എന്നിരുന്നാലും അവൾ എന്നെ ഇഷ്ടപ്പെടെണ്ട, എനിക്ക് അവളെ ഇഷ്ടമാണല്ലോ എന്ന മട്ടിൽ ഞാൻ പിറകെ നടപ്പ് തുടർന്നു. അങ്ങനെ 5 മാസങ്ങൾ കടന്ന് പോയ്‌. ഒരു ദിവസം അവളുടെ കൂട്ടുകാരി ഞാൻ നിക്കുന്നിടത്തേക്ക് നടന്നു വന്നു പറഞ്ഞു ചേട്ടാ രേവതിക്കു ചേട്ടനോട് പറയാനുള്ളത് ദാ ഈ കത്തിലുണ്ട്. ഉടനെ അത് തുറന്ന് വായിക്കാൻ തുടങ്ങിയപ്പോൾ അതിൽ ഇങ്ങനെ എഴുതിരിക്കുന്നു. "വെപ്രാളപെടാതെ മാഷേ ഞങ്ങൾ പോയിട്ട് വായിക്കാം "

തുടരും…

3)എന്റെ പൊന്നു മാഷേ, താൻ എന്റെ പിറകെ നടക്കാൻ തുടങ്ങിയിട്ട് മാസം 5 കഴിഞ്ഞെന്ന് എനിക്കറിയാം. എനിക്ക് മാഷിനോട് ഒരു ഇഷ്ടക്കുറവും ഇല്ല.മാഷ് കരുതുന്നത് പോലെ ഒരു പെണ്ണല്ല ഞാൻ. ജനിച്ചു എന്റെ തലവെട്ടം കണ്ടപ്പോൾ തന്നെ എന്റെ അച്ഛൻ മരിക്കുകയും , ജന്മനാ ഊമയാവുകയും,ചുരുക്കി പറഞ്ഞാൽ ഒരു നശൂലം പിടിച്ച ഓന്നായ എല്ലാരും എന്നെ കാണുന്നത് അതിൽ എനിക്ക് വിഷമം ഒന്നുല്ല പക്ഷെ അമ്മ രണ്ടാമത് വിവാഹം കഴിച്ചതോടെയാണ് എന്റെ കാര്യം കൂടുതൽ കഷ്ടത്തിലായത്. എന്റെ രണ്ടാനച്ചൻ മകൾ എന്ന നിലയിലുപരി മറ്റൊരു കണ്ണിലാണ് എന്നെ കാണുന്നത്.10 ആം വയസിലാണ് ഞാൻ രണ്ടാനച്ഛനിൽ നിന്ന് അത്തരം ഒരു അനുഭവം നേരിട്ടത്. അമ്മയോട് ഇതിനെ പറ്റി പറഞ്ഞിട്ടും അമ്മ അത് വകവെച്ചില്ല. കാരണം അമ്മക്ക് അത്രക്ക് വിശ്വാസം ആയിരുന്നു ആ നീചനെ. പലപ്പോഴും ഞാൻ അയാളുടെ ചേഷ്ടകൾക്കു ഇരയാകേണ്ടി വന്നിട്ടുണ്ട് . സ്വന്തം ചോരയിലുണ്ടായ മകളെ പോലും അയാൾ ഇത്തരത്തിൽ ചൂഷണം ചെയുന്നത് ഒന്നും മിണ്ടാതെ എനിക്ക് നോക്കി നിൽക്കേണ്ടി വന്നിട്ടുണ്ട്. അയാളിൽ നിന്ന് ഒരു മോചനം എന്ന നിലയിലാണ് ഞാൻ അമ്മുമ്മ വീട്ടിലേക് മാറിയത്.

 4)പലപ്പോഴും ക്ഷേമാന്വേഷണം എന്ന വിധേന അയാൾ അവിടെയും വരാറുണ്ട്. അമ്മുമ്മയോട് ഞാൻ ഇക്കാര്യങ്ങൾ എല്ലാം തുറന്ന് പറഞ്ഞിട്ടുണ്ട്. ഒരുവട്ടം അമ്മുമ്മ അത് കയ്യോടെ അയാളിലെ നീചന്റെ മുഖം തീർച്ചറിഞ്ഞതോടെ അയാളുടെ അങ്ങോട്ടേക്കൊള്ള വരവ് ഇല്ലാണ്ടായി. അതിനു ശേഷമാണ് ഞാൻ സന്തോഷം എന്തെന്ന് അനുഭവിച്ച തുടങ്ങിയത് .എനിക്ക് സ്വന്തം ബന്ധം എന്ന് പറയാൻ ഇപ്പോൾ ഈ ലോകത്ത് എന്റെ അമ്മുമ്മ മാത്രമേ ഒള്ളു . അത്കൊണ്ട് മാഷിന് എന്നോട് അത്രക് ഇഷ്ടം ഉണ്ടേൽ മാഷ് അമ്മുമ്മേ കണ്ടോന്ന് സംസാരിക്കു. അമ്മുമ്മക് സമ്മതമാണേൽ എനിക്ക് 100 വട്ടം സമ്മതം. കത്ത് വായിച്ച തീർന്നപ്പോൾ അവളോടുള്ള ഇഷ്ടത്തിന്റെ അളവ് കൂടുകയും അവളുടെ രണ്ടാനച്ഛനോടുള്ള വെറുപ്പും ദേഷ്യവും ആളി കത്താൻ തുടങ്ങി....

5)കത്ത് വായിച്ചു തീർന്നപാടെ എന്റെ ഡയറിയിൽ അത് ഞാൻ സൂക്ഷിച്ചു വെച്ചു. പിറ്റേന്ന് അവളെ കണ്ടോളാൻ വയ്യാത്ത വെപ്രളത്തിൽ ഞൻ ഉറങ്ങിയോ എന്ന് തന്നെ എനിക്ക് സംശയം ആയിരുന്നു . രാവിലെ അച്ഛന്റെ വക സ്ഥിരം ശകാരവും അമ്മയുടെ വക ചൂട് ചായയും കുടിച് വണ്ടിയുടെ താക്കോലും എടുത്ത് മിന്നായം പോലെ ഞാൻ ബസ്റ്റോപ്പിൽ എത്തി.ഇന്ന് മലയാള മാസം ഒന്നാം തിയതി ആയത് കൊണ്ടാവണം ആള് ഒരു സാരീ ഒക്കെ ഉടുത്ത നിക്കുന്നേ. സെറ്റു സാരിയിൽ അവളെ കണ്ടപ്പോ എനിക്ക് എന്നെ തന്നെ നിയന്ത്രിക്കാൻ പറ്റിയില്ല. ബൈക്കിന്ന് ചാടി ഇറങ്ങി ഞാൻ അവളുടെ അടുത്തേക്ക് നടന്നു. ഞാൻ വരുന്നത് കണ്ടപ്പാടെ അവളുടെ കൂട്ടുകാരി ഞാൻ സ്വർഗ്ഗത്തിലെ കട്ടുറുമ്പ് ആവുന്നിലെ എന്ന് പറഞ്ഞു എന്റെ ബൈക്ക് ഇരുന്നിടത്തേക്ക് പോയി. ഞാൻ രേവതിയുടെ കണ്ണിലേക്ക് നോക്കി പറഞ്ഞു കുട്ടി കത്ത് ഞാൻ വായിച്ചു.അതിന്റെ അടിസ്ഥാനത്തിൽ ഞാൻ ഒരു തീരുമാനം എടുത്തു "അത് എനിക്ക് "രേവതിയുടെ കണ്ണ് നിറഞ്ഞൊഴുകാൻ തുടങ്ങി."കത്ത് വായിച്ചു ഈ ബന്ധത്തിൽ താൽപ്പര്യം ഇല്ലന്നലെ" എന്നുള്ള രീതിയിൽ ആംഗ്യ ഭാഷയിലൂടെ എന്നോട് സംസാരിച്ചു അവൾ തിരിഞ്ഞു നടക്കാൻ തുടങ്ങി. പൊടുന്നനെ ഞാൻ അവളുടെ കൈയിൽ പിടിച്ചു അവൾ അത്ഭുതത്തോടെ എന്റെ കണ്ണുകളിലേക്ക് നോക്കി. എടി പെണ്ണെ, എനിക്ക് നീയില്ലാണ്ട് പറ്റില്ല. അമ്മുമ്മയോട് നമ്മുടെ കാര്യം സംസാരിക്കാൻ വരുന്നുണ്ട് ഞാൻ. അത് കേൾക്കേണ്ട താമസം അവൾ എന്നെ കെട്ടിപിടിച്ചു കരഞ്ഞു. ദൂരെന്ന് ബസിന്റെ ഹോൺ കേട്ട പാടെ അവൾ ഞെട്ടി ഒരു ചെറു നാണത്തോടെ കൂട്ടുകാരിയേം കൂട്ടി ബസിൽ കയറി.

6)അന്ന് രാത്രി തന്നെ ഞാൻ അവളുടെ കാര്യം വീട്ടിൽ അവതരിപ്പിച്ചു. അച്ഛൻ നീയാണ് ജീവിക്കേണ്ടത് അപ്പോൾ നിന്റെ ഇഷ്ടം അതെന്തായാലും നടക്കട്ടെ എന്ന മട്ടിൽ സമ്മതം മൂളി .ഈ കാര്യം കേട്ട പാടെ അമ്മയുടെ മുഖം കടന്തൽ കുത്തിയ പോലെ വീർത്തു. ഒരു ഊമ പെണ്ണിനെയോ ഞാൻ ജീവിച്ചിരിക്കുന്ന കാലം ഈ ബന്ധത്തിന് ഞാൻ സമ്മതിക്കില്ല, കണ്ണാ. അമ്മ ഇത് പറഞ്ഞു തീർന്ന പാടെ അച്ഛൻ അമ്മയെ ഒന്ന് ദേഷിച്ചു നോക്കിയപ്പോൾ ഒന്നുമറിയാത്ത മട്ടിൽ അമ്മ അടുക്കളയിലേക്ക് പിറുപിറുത്തു നടന്നു നീങ്ങി. പിന്നീട് അമ്മയെ കൊണ്ട് എങനെ സമ്മതിപ്പിക്കും എന്നായി എന്റെ ചിന്ത. അച്ഛൻ നല്ല ഡോസ് കൊടുത്തിട്ടാവണം എന്ന് തോന്നുന്നു അമ്മ രാവിലെ മനസില്ല മനസോടെ സമ്മതം മൂളി.അച്ഛൻ പറഞ്ഞു കണ്ണാ ഇനി നിന്റെ ലീവ് തീരാൻ 1.30 മാസം അല്ലെ ബാക്കി ഉള്ളു അപ്പോ നമുക്ക് ഇന്ന് തന്നെ രേവതിയുടെ വീട്ടിൽ പോകണം, എല്ലാം സംസാരിച്ച ഉറപ്പിക്കണം. പിന്നെന്താ അച്ഛ ഞാൻ ദേ ഇറങ്ങി കഴിഞ്ഞു അമ്മ താങ്ങി തൂങ്ങി നോക്കുന്നത് കണ്ട് അച്ഛൻ ശാരദേ  എന്നൊന്ന് വിളിച്ചതും അമ്മ റെഡി ആയി വന്നു കഴിഞ്ഞു.

7)അങ്ങനെ ഞങ്ങൾ രേവതിയുടെ വീട്ടിൽ എത്തി. പാവം അവൾ അടുക്കള പണിയിലായിരിക്കണം ദേഹം അപ്പാടെ അഴുക്കും കരിയും. പക്ഷെ അവളുടെ ഭംഗി അപ്പോഴും കൂടിയിട്ട് ഒള്ളു. ഞങ്ങളെ കണ്ട പാടെ ഓടിപോയി കുളിച് റെഡി ആയി വന്നപ്പോഴേക്കും അമ്മുമ്മ നിങ്ങൾക് കട്ടൻ ഇട്ട് തന്നു. അമ്മയെ കയ്യില്ലെടുക്കണം എന്ന ഉദ്ദേശത്തിൽ ആയിരിക്കണം പുള്ളിക്കാരി സാരീ ഒക്കെ ഉടുത്തു വന്നപ്പോൾ അമ്മ ഫ്ലാറ്റ്. അച്ഛനും അവളെ നന്നേ ബോധിച്ചു. അതുവരെ തർക്കിച്ചു നിന്ന അമ്മ നിശ്ചയം ഒന്നും വേണ്ട നമ്മക് കണ്ണന്റെ ലീവ് തീരുന്നതിനു മുന്നേ കല്യാണം നടത്താം എന്ന് പറയുന്നത് കേട്ട അച്ഛൻ വരെ ഞെട്ടി.ഞങ്ങൾ സ്ത്രീധനം ആവശ്യപ്പെടും എന്ന് വിചാരിച്ചായിരിക്കണം അമ്മുമ്മ രേവതിയേം ഞങ്ങളേം ദയനീയമായി നോക്കുന്നു. അവളും വല്ലാതെ നിക്കുന്നു. ഉടനെ അച്ഛൻ പറഞ്ഞു ഞങ്ങൾക്ക് നിങ്ങളുടെ സ്വത്തോ പണമോ ഒന്നും വേണ്ട എന്റെ കണ്ണന് അവളെ ഇഷ്ടമായി അപ്പോ അവളെ മാത്രം ഞങ്ങള്ക് ഇങ്ങു തന്നാൽ മതി. അത് കേട്ട പാടെ അമ്മുമ്മയുടെ അവളുടെയും കണ്ണ് നിറഞ്ഞൊഴുകാൻ തുടങ്ങി. പിന്നീട് അങ്ങോട്ടുള്ള ദിവസങ്ങൾ എണ്ണി ഇരിക്കുകയായിരുന്നു ഞാനും അവളും . അമ്മയാകട്ടെ മരുമകൾക്കു വേണ്ടി ഉള്ള സാധനം വേടിക്കലിന്റെ തിരക്കിലായിരുന്നു. അച്ഛൻ പന്തല് ബാക്കി കാര്യങ്ങളുടെ പിറകെ ഓടടാ ഓട്ടം. ചുരുക്കി പറഞ്ഞാൽ കല്യാണത്തിന്റെ ഒരുക്കങ്ങൾ തകൃതിയായി നടക്കുന്നു. അങ്ങനെ ഞങ്ങൾ കാത്തിരുന്ന ആഹ് സുദിനം വന്നെന്തി. മണിക്കൂറുകൾ മാത്രം അവശേഷിക്കേ എനിക്ക് കല്യാണം കഴിഞ്ഞുള്ള അവളുടെ ആഗ്രഹങ്ങൾ പറഞ്ഞു കൊണ്ടിരുന്നവളുടെ മെസ്സേജുകൾക്കു പിന്നീട് റിപ്ലൈ കിട്ടുന്നില്ല വിളിച്ചിട്ടാണേൽ ഫോൺ സ്വിച്ച് ഓഫ്‌. എന്തേലും തിരക്ക് കാണുമെന്ന വെച്ച ഞാൻ 1 മണിക്കൂർ wait ചെയ്തു. പിന്നെ വിളിച്ചപ്പോഴും ഫോൺ സ്വിച്ച് ഓഫ്‌ തന്നെ. എന്ത് ചെയ്യണം എന്നറിയാതെ ഞാൻ കുഴഞ്ഞു. അച്ഛനെയും കൂട്ടി ഞാൻ അവളുടെ വീട്ടിലെത്തി അമ്മുമ്മ നാലുറക്കം കഴിഞ്ഞിരുന്നു. പെട്ടന്നു തന്നെ അമ്മുമ്മയെ വിളിച്ചു ഞാനും അച്ഛനും അവളുടെ മുറിയെല്ക്ക് നടന്നപ്പോൾ ഫോൺ നിലത്തു കിടക്കുന്നു ബെഡ് ഷീറ്റ് എല്ലാം ഒരു പിടി വലി കൂടിയ മട്ടിൽ കട്ടിലിന്റെ ഒരു മൂലക്കായ ചുരുണ്ടു കൂടി കിടക്കുന്നു. അടുക്കള കതക് തുറന്നു കിടക്കുന്നു ഞാൻ കരഞ്ഞു കൊണ്ട് അടുക്കള വാതിലൂടെ പുറത്തേക് ഓടി. വീടിന്റെ പുറകിലെ റബ്ബർ തോട്ടത്തിൽ നിന്ന് ഒരു ഞരങ്ങൾ കേൾക്കുന്നു ഫ്ലാഷ് അടിച്ചു ഞാൻ അങ്ങോട്ടേക് ഓടി.അവിടെ എന്റെ രേവതി രക്തത്തിൽ കുളിച് കിടക്കുന്നു. അവളുടെ ശരീരത്തിൽ ഉണ്ടായിരുന്ന തുണി വലിച്ചു കീറിയിരിക്കുന്നു.അവളെ ആഹ് നിലയിൽ കണ്ടപ്പോൾ എനിക്ക് എന്നെ തന്നെ നിയന്ത്രിക്കാൻ കഴിഞ്ഞില്ല അവിടെ കിടന്ന് പാറ കല്ലുവെച്ച ഞാൻ അവന്റെ തലയിൽ ആഞ്ഞിടിച്ചു.അവളെ നശിപ്പിച്ച അവന്റെ ഓരോ അവയവങ്ങൾ ഇഞ്ചിഞ്ചായി ഞാൻ തല്ലി ചതച്ചു.അതെ അവൾ പേടിയോടയും അറപ്പോടയും വെറുപ്പോടേയും കണ്ടിരുന്ന അവളുടെ അമ്മക്ക് അത്രയും പ്രിയപ്പെട്ട അവളുടെ രണ്ടാനച്ചൻ ആയിരുന്നു അത്. ചോരയിൽ കുളിച് കിടന്നിരുന്ന എന്റെ രേവതിയെ ഞാൻ ഹോസ്പിറ്റലിൽ എത്തിച്ചു. അവൾക് കുഴപ്പം ഒന്നുമില്ല എന്നു ഡോക്ടർ പറഞ്ഞതിന് പിന്നാലെ ഞാൻ സ്റ്റേഷനിൽ പോയ്‌ കീഴടങ്ങി. എന്നെ 10 വർഷത്തേക്ക് ശിക്ഷിച്ചു. ഈ 10 വർഷം പലരും എന്നെ കാണാൻ വന്നെങ്കിലും ആരെയും കാണാൻ ഞൻ കൂട്ടാക്കിയില്ല. ഇന്നാണ് എന്റെ ശിക്ഷ തീർന്നു ഞാൻ പുറത്തിറകുന്ന ദിവസം. പുറത്തു എന്നെയും കാത്തു അച്ഛൻ നിൽപ്പുണ്ടായിരുന്നു. അച്ഛൻ എന്നോട് പലതും സംസാരിച്ചെങ്കിലും അതിനൊന്നും ഞൻ മറുപടി നൽകിയില്ല.നേരെ ഞങ്ങൾ സഞ്ചരിച്ച കാർ ചെന്ന് നിന്നത് ഒരു മാനസികാശുപ്രത്രിയുടെ ഉള്ളിലായിരുന്നു. ഒരു പതർച്ചയോടു കൂടെ ഞാൻ ഡോർ തുറന്നിറങ്ങി. അവിടെ ഒരു മരച്ചുവിട്ടിൽ ന്റെ രേവതിയിരിക്കുന്നു. ഞാൻ അവളുടെ അടുത്തേക്ക് ഓടി ചെന്ന് കെട്ടിപിടിച്ചു. അവൾ പെട്ടെന്നു പേടിച്ചു കൈ തട്ടി മാറ്റുന്നു. അച്ഛൻ വന്നു തോളിൽ കൈ ഇട്ടു പറഞ്ഞു അന്നത്തെ ആഹ് സംഭവത്തിന്‌ ശേഷം അവൾ ഇങ്ങെനെയാ. വാ നമ്മുക്ക് ഡോക്ടറെ കാണാം. ഡോക്ടർ, എന്റെ രേവതി ഇനി പഴയത് പോലെ ആവില്ലേ? ആവും, പക്ഷെ കണ്ണൻ മനസ്സ് വെയ്ക്കണം. ഞാൻ ഡോക്ടർ പറയണ എല്ലാം കേക്കാം എനിക്ക് എന്റെ പഴയ രേവതിയെ തിരിച്ചു വേണം.3 മാസത്തെ ചികിത്സക്ക് ഫലം ഉണ്ടായി അവൾ കൊറേശെ മാറി വെരുണ്ടെന്ന് എനിക്ക് മനസിലായി.6 മാസത്തെ ചികിത്സക്കൊടുവിൽ ഞങ്ങൾ വീട്ടിലെത്തി.10 വർഷങ്ങൾക് മുൻപ് ഞാൻ അവളുടെ കഴുത്തിലണിയാൻ വെച്ചിരുന്ന താലി അവളുടെ അമ്മുമ്മയേം എന്റെ വീട്ടുകാരും സാക്ഷിയാക്കി അടുത്തുള്ള കൃഷ്ണ നടയിൽ വെച്ച അവളുടെ കഴുത്തിൽ ചാർത്തി. ഇത് രേവതിയുടെ അതിജീവനത്തിന്റെ കഥയാണ്.

Nb:ഇന്ന് ഏറ്റവും കൂടുതൽ ലൈംഗിക ചൂഷണം നേരിടുന്നത് കുട്ടികളാണ്. കുട്ടികളിലെ അറിവില്ലായ്മയെ മുതലെടുക്കുന്ന ഒരു വിഭാഗം നമ്മുടെ സമൂഹത്തിൽ വർധിച്ച് വരികയാണ്. സ്വന്തം വീടുകളിൽ പോലും രക്ഷയില്ല എന്നിടത്തേക്ക് കുട്ടികളുടെ സുരക്ഷ മാറിയിരിക്കുന്നു.