വരും... വരാതെ??

എവിടെയോ ഒരു കനൽ വീണപോലെ

ഇരുളിലോ നിഴൽ മാഞ്ഞുപോയി

ദൂരെയായി അവൾ നീങ്ങവേ

എന്തിനോ മനം കേഴുന്നു 

നീ തന്ന വാക്കും നാം നെയ്ത സ്വപ്നവും

ഒരുമിച്ചിരുന്നോരാ നിമിഷങ്ങളും

എല്ലാം നീ കണ്ട പൊയ്സ്വപനങ്ങളാണെന്ന്

എൻ മനസെന്നോട് ചൊല്ലീടവേ 

 

ഇനിയും നീ എന്നിലേക്കില്ലെന്നറിഞ്ഞിട്ടും

കാത്തിരിക്കാനുള്ളതാണെന്റെ ജീവിതം

നാളെ നീ മറ്റൊരു കൈ പിടിച്ചീടിലും

അതുമൊരു പൊയ്‌സ്വപ്നമെന്നോർക്കും ഞാൻ

അവസാന ശ്വാസം ഒടുങ്ങും വരെയും ഞാൻ

ഹൃദയത്തിൽ ഒരു കോണിൽ സൂക്ഷിച്ചിടും

നീയും നിന്നോർമയും നമ്മുടെ നേരവും

എല്ലാം ആ മണ്ണിൽ അടിഞ്ഞു തീരും.