പലായനം

ചങ്ങലകണ്ണികളാൽ മുറിവേറ്റ്, രക്തകറയാലഴുക്കും, ദുസഹഗന്ധവും പേറി,

ജീവിത തടങ്കലിലുഴറിയോടാൻ വെമ്പുന്ന ഹൃത്തും മരവിച്ചുറങ്ങുന്നു.

ചിതലിട്ട സ്വപ്നങ്ങൾക്കു മീതെ ഉപ്പായി പെയ്തിറങ്ങി കണ്ണുനീർ.

മരണവേദനയേറുന്നു, നുരയ്ക്കുന്നു പുഴുക്കൾ, പ്രണയോർമ്മകളാം രക്തസാക്ഷികൾ.....

രക്തകലുഷിതമാം, നന്മയറ്റ ഈ വരണ്ട ഭൂവിൽ ഏകനായി അലഞ്ഞുഴറി ആകെ വികൃതനായി, പച്ചമനുഷ്യനായി..

 പലായനം ചെയ്യുവാൻ നേരമായി,

 ഇനിയും പിറക്കാതെയിരിക്കാൻ,

ഇനിയും പ്രണയം തളിർക്കാതെയിരിക്കാൻ,

ഇനിയും അതിമോഹവശ്യതയിൽ മയങ്ങാതെയിരിക്കാൻ 

പുറപ്പെടുന്നു 

അന്ത്യമില്ലാത്ത സത്യത്തിലേയ്ക്കാ ത്രയാകുന്നു..