ಸಾಗಿ ಪಡೆದದ್ದು
ಸಾಗಿ ಪಡೆದದ್ದು
ಅಸಮರ್ಥ ಮನಸ್ಸಿನಾಳದ ಗೂಡಲ್ಲಿ ಬೆಂದು
ಕರಗಿ ಅರಳಿ ಬೆಳಕಾಗಿ ಹೊಮ್ಮಿರುವೆ ಇಂದು
ನಾನು ಹಾರಾಡಬಲ್ಲೆ ದುಃಖದ ಹೃದಯಗಳನ್ನು ಕದ್ದು
ನಾನು ಕುಣಿಯಬಲ್ಲೆ ಕಷ್ಟದ ಭಾರವನ್ನು ಕರಗಿಸಿ
ಜಗತ್ತನ್ನೇ ಮರಿಸಬಲ್ಲೆ ಸಾಗಿ ಪಡೆದದ್ದು ||
ಕೂಗಳತೆಯ ದೂರದಲ್ಲಿ ಅರಿಯದೆ ಸಾಗಿದರೂ
ದಾರಿಯ ಅಂತರಾಳದಲ್ಲಿ ನಲಿಯುವೆ ನಗುವಾಗಿ
ಸೋತ ದೇಹದಲ್ಲೊಂದು ಸೋಲಿಲ್ಲದ ಕನಸಾಗಿ
ನಾನು ಖುಷಿಯಾಗಬಲ್ಲೆ ನೋವನ್ನು ಪಡೆದರೂ
ಜಗತ್ತನ್ನೇ ಸೆರೆಹಿಡಿಯಬಲ್ಲೆ ಸಾಗಿ ಪಡೆದದ್ದು ||
ನಶ್ವರಗಳಲ್ಲಿ ಈಶ್ವರ ರೂಪದ ಆದರ್ಶ ಹೊತ್ತು
ಪ್ರಪಂಚ ಕೆರಳಿ ಅರಳಿ ಪಾದದಡಿಯಲ್ಲಿ ಬಿದ್ದರೂ
ಕೊನೆಯಲ್ಲಿ ಪರಿಶುದ್ಧತೆಗೆ ಗೆಲುವಾಗುವುದು ಸಾವಿಲ್ಲದೆ
ನಾನು ನಗಬಲ್ಲೆ ಜಗತ್ತಿನ ಅಳುವನ್ನು ಮರಿಸಿ
ಜಗತ್ತನ್ನೇ ಸಾಧಿಸಬಲ್ಲೆ ಸಾಗಿ ಪಡೆದದ್ದು ||