ಗುರುಭ್ಯೋ ನಮಃ
ಗುರುಭ್ಯೋ ನಮಃ
ಹರ ಮುನಿದರೆ ಗುರು ಕಾಯ್ವ
ಮನದಲವಿತ ಕಾರ್ಮೋಡಕೆ
ತಂಪೆರೆದು ಧರೆ ತಣ್ಣಗಿರಿಸುವ
ಅಜ್ಞಾನದ ಕತ್ತಲೆಯ ಕಳೆವಾತ
ಜ್ಞಾನ ದೀವಿಗೆಯ ಬೆಳಗುವಾತ
ದೇಹ ದಂಡನೆಯ ಮಹತ್ವ
ಸರಿ-ತಪ್ಪುಗಳ ಅರ್ಥ ಕಲಿಸಿದಾತ
ತಾಯಿ ತಂದೆಯರು ದೈವವೆಂದಾತ
ಮೂರು ಲೋಕಕ್ಕೂ ಗುರುವೆಂದಾತ
ಜನನಿಗಾವ ದೋಷ?
ಮನಕಾವ ಮೋಹ?
ಪಿತೃಗಾವ ಭಾವ?
ಒಂದಕ್ಷರ ಕಲಿಸಿದಾತಂ ಗುರು!
ಬದುಕ ಕಲಿಸುವಾತ ಗುರು
ಸಂಕಷ್ಟದ ಸರಮಾಲೆಯಲಿ
ನೊಂದು ಬೆಂದರೂ ಸಲಹುವಾತ
ಗುರು ನಿಂದೆ ಮಹಾಪಾಪ!
ಜಗತ್ತನ್ನು ನೋಡುವ ಕಲೆ ಸೃಷ್ಟಿಸಿ
ಸೃಜನಶೀಲೆಯ ಮೇಳೈಸಿದಾತ
ಗುರು ಜಗದ್ಗುರು ಮರೆಯಬೇಡ
ಜೀವನಕೆ ಮಾರ್ಗದರ್ಶನವಿತ್ತಾತ
ಜೀವಂತಿಕೆಗೆ ಮರುಜೀವ ನೀಡಿದಾತ
ಸಕಲ ಸಂಕಟಹರ ಗುರು
ಗುರುಭ್ಯೋ ನಮಃ