ಅಯೋಮಯ

 ಕಣ್ಣಿದ್ದೂ ಕುರುಡಾಗಿ ಜೀವನ ನಡೆದಿದೆ

ಬೆಳಕಿದ್ದು ಕತ್ತಲೆಯತ್ತಿರ ಪಯಣ ಸಾಗಿದೆ

ಸತ್ಯ ಅಗತ್ಯದ ಕಾಲಡಿ ಸಿಲುಕಿ ನರಳುತ್ತಿದೆ

ಸುಳ್ಳು ಅದಕ್ಕೆ ಮುನ್ನಡಿ ಬರೆಯುತ್ತಿದೆ

ಸುಂದರ ಕ್ಷಣಗಳು ಜಂಗಮವಾಣಿಯಲ್ಲಿ ಸೆರೆಯಾಗಿವೆ

ಅವಲಕ್ಷಣಗಳು ವಾಸ್ತವದಲ್ಲಿ ತಾಂಡವವಾಡುತ್ತಿವೆ

ಗುರೂಜಿಯ ಸಂಪರ್ಕ ಕ್ರಮೇಣವಾಗಿ ಕುಸಿಯುತ್ತಿದ್ದರೆ

ತ್ರೀಜಿ ಫೋರ್ಜೀಯ ಸಂಪರ್ಕ ಗಗನಕ್ಕೇರುತ್ತಿದೆ

ಪ್ರೀತಿ ಮಮತೆಯು ಬೆರೆತ ಅಡುಗೆಯ ಘಮ ಕಣ್ಮರೆಯಾಗುತ್ತಿದ್ದರೆ

ಆನ್ಲೈನ್ ಅಡುಗೆಯ ಘಮ ಮನೆ ಮನೆಗೆ ರವಾನೆಯಾಗುತ್ತಿದೆ

ತಾಯಿ ಮಡಿಲಲ್ಲಿ ಮಲಗಿದಾಗ ದೂರಾಗುತ್ತಿದ್ದ ಬೇಸರ

ವಾಟ್ಸ್ ಆ್ಯಪ್ ಸ್ಟೇಟಸ್ಸಿನಲ್ಲಿ ಸ್ಟೇಟಸ್ ಹಾಕಿದಾಗ ದೂರಾಗುತ್ತಿದೆ

ದೂರವಿದ್ದರು ದೃಢವಾಗಿದ್ದ ನಂಬಿಕೆ

ಅಂತರ್ಜಾಲದಲ್ಲಿ ಹತ್ತಿರವಿದ್ದು ದೂರಾಗುವಂತಾಗಿದೆ

ದೇಗುಲ ದರ್ಶನಕ್ಕೆ ಹೋದರು ಬಾರದ ಭಕ್ತಿ

ಜಾಲತಾಣಗಳಲ್ಲಿ ಹರಿದಾಡುತ್ತಿದೆ

ಎಲ್ಲಾ ಅಯೋಮಯವಾಗಿದೆ

ನಮಗರಿಯದೆ ಕಾಲ ಸಾಗುತಲಿದೆ !!