શંકા

આજે નાયરા કાર્તિકના ઓફિસે આવી હતી. નાયરાને જોબની જરૂર હતી. કાર્તિકના બોસે કાર્તિકને તેમના ચેમ્બરમાં બોલાવી કહ્યું, કાર્તિક આ છોકરીને ઓફિસનું કામ સમજાવી દેજે.

નાયરા કાર્તિક જોડે આવીને એનું કામ કરવા લાગી. આમ તો નાયરાને કાર્તિક ઘણા સમયથી જાણતો હતો. એની દરેક વાતો એને ખબર હતી એ શું કરે છે, ક્યાંની છે...બધું જ જાણતો હતો છતાં એ એની સામે અજાણ્યો બનીને રહેતો... બંનેની આંખો એક બીજાને જોતી હતી. રોમેન્ટિક માહોલ જામ્યો હતો. એટલામાં કાર્તિકે નાયરા જોડે કામની બાબતે નંબર માંગ્યો.

 કામને લઈને નાયરા અને કાર્તિક એકબીજાના નંબર અરસપરસ કર્યો. અને બંને થોડી વાર જોબના કામ બાબતે વાતો કરતા હતા....નાયરા થોડા સમય ઓફિસમાં રહી બાદમાં પોતાના ઘરે જવા નીકળી ગઈ હતી....કાર્તિક પણ નાયરાને મળીને ખુશ થઈ ગયો હતો... એના મનમાં તો અરીજીતસિંગનું સોન્ગ ગુંજવા લાગ્યુ. આજે કાર્તિકને કોઈપણ વસ્તુમાં મન નોહતું લાગતું બસ એતો નાયરાના વિચારોમાં જ પડી ગયો હતો. 

બીજા દિવસની સવાર ઊગી સૂરજ દાદા પણ સમયસર પોતાના કામે વળગી ગયા હતા. કાર્તિક પણ પોતાના સમયે ઊઠીને પોતાની નિત્યક્રિયાઓ પતાવીને નોકરીએ જવા નીકળી ગયો હતો. પણ આજે કાર્તિક કોઈનો ઇંતજાર કરતો હતો. અને એ કોણ હતું એતો કાર્તિક જ જાણે...આજે પહેલો એવો દિવસ કે કાર્તિક કોઈની રાહ જોતો હતો...પણ જેની રાહ જોતો હતો એ હવે ફરી એને ઓફિસે ક્યારે નથી મળવાની કેમ કે નાયરા હવે ઓફિસ નોહતી આવાની.

કાર્તિકના ચહેરા પર દ્રશ્યો એ દિવસે દેખવા લાયક થઈ ગયા હતા કેમ કે જે ચહેરા પર હંમેશા સ્મિત રહેતું એજ ચહેરો આજે નિરાશ હતો. કેમ એતો માત્ર કાર્તિક જ જાણે.....

થોડી વાર બાદ મોબાઈલની રિંગ વાગી..કાર્તિક વિચારોના વાવાઝોડામાં વંતાઈલો હતો એને કઈ નજરમાં આવ્યું નહીં. થોડી વાર બાદ જ્યારે મોબાઈલ ચેક કર્યો ત્યારે નાયરાનો મેસેજ આવેલો હતો. જો કે આ જોતા કાર્તિકના મો પર સ્મિત સવાઈ ગયું હતું. 

(કાર્તિક અને નાયરાની થોડા દિવસ થોડી થોડી વાર વોટ્સએપ પર વાત થવા લાગી.)

 કાર્તિક નાયરાને ચાહવા લાગ્યો હતો. આમ તો એ પહેલાથી જ ચાહતો હતો પણ આજ કંઈક અલગ જ ફીલિંગ હતી. સામે નાયરાને પણ એજ ફીલિંગ આવવા લાગી હતી. 

બસ પછી તો બન્ને એકબીજાની સાથે મશગુલ બની ગયા. રોજ વાતો થવા લાગી..બને એક બીજા સાથે ખુશ રહેવા લાગ્યા. 

બસ પછી તો રોજે બંનેની વાતોમાં વધારો થવા લાગ્યો કાર્તિક સારું ચોઘડિયુ જોઈને નાયરાને પ્રપોઝ પણ કરી દે છે. પણ નાયરાનો જવાબ હા ના આવે છે. પણ પછી જવાબ આપી જ દે છે. 

આજે નાયરાએ પણ કાર્તિકને પ્રપોઝલનો જવાબ આપી જ દીધો. કાર્તિક આ વાત સાંભળી એની ખુશીને રોકી નહતો શકતો. ગમતી વ્યક્તિ મળી જાય તો કોની ખુશી રોકવાની...

નાયરા અને કાર્તિક એકબીજાના સાથી બની ગયા હતા. પ્રેમની વાતો અને એ વાતોમાં લાગણીઓનો છલકાવ બંનેની વાતો ધીમે ધીમે આગળ જવા લાગી હતી. પરંતુ આ પ્રેમ વચ્ચે એક એવો શબ્દ આવી ગયો કે આ સંબંધને ફરી નિરાશ કરી ગયો....શંકા કાર્તિકને નાયરાએ કહ્યું કાર્તિક તું મારો પહેલો પ્રેમ છે. અને આજ સુધી મેં હજુ સુધી કોઈ જોડે આમ પ્રેમ સંબંધમાં નથી જોડાઈ કેમ કે મને ડર લાગે છે આવા સંબંધોથી પણ ખબર નહીં તારા સાથે મને ક્યારે પ્રેમ થઈ ગયો. નાયરા એના રીતે દરેક વાતમાં સત્ય હતી પણ કાર્તિક શંકાશીલ વ્યક્તિ હતો. મતલબ એ રીતે કે કાર્તિક ને નવાઈ લાગી કે આ કઈ રીતે પોસીબલ થઈ શકે.

કાર્તિક વિચારોમાં એવો તો ખોવાઈ ગયો કે એના વિચારોના ઢગલાથી આ શંકા ધીમે ધીમે વધારે થતી ગઈ અને એક બાજુ નાયરા સબૂત પર સબૂત આપતી ગઈ કેમ કે નાયરા સાચી હતી. એનો પ્રેમ સાચો હતો. પણ કાર્તિક નાયરાના પ્રેમને નોહતો સમજી શકતો બસ એને તો શંકા જ જતી. 

આ રીતે ધીમે ધીમે કાર્તિક અને નાયરાના સંબંધમાં નિરાશા વધતી ગઈ. નાયરા પણ કંટાળી ગઈ હતી. પણ એ છતાંય એ કાર્તિક સાથે જ હતી. 

આજે નાયરાના મનમાં કંઈક અલગ જ વિચારો ચાલતા હતા. અને એને નિશ્ચિત કર્યું હતું કે એ હવે કાર્તિકથી દૂર રહેશે...એ માટે કે કાર્તિક શંકા બાબતે હવે ઘણો આગળ વધી ગયો હતો. અને એક રાતે અચાનક જ નાયરાએ કાર્તિકને બ્લોક કરી દીધો... પછી કાર્તિકે બહુ પ્રયત્ન કરો કે એ માની જાય પણ નાયરા એક ની બે ના થઈ ! કાર્તિક એના સામે રડ્યો પણ એ માની જ નહીં.કાર્તિકને આ રાત બહુ ભયાનક પડી ગઈ હતી. એની આંખોમાં તો બસ નાયરાના નામના આંસુ વહેતા હતા. અને એને મહેસૂસ થઈ ગયું હતું કે નાયરા સાચી હતી. એ કાર્તિકને જ પ્રેમ કરતી હતી....

હતું કંઈક મારા હૃદયમાં તારા નામનો ધબકારો પણ તારી શંકાશીલ નજરે એ તોડી નાખ્યું.