પ્રેમની પરિભાષા

       એક દિવસ સવારના પહોરમાં પલના મોબાઈલમાં રિંગ વાગે છે. સવારના આશરે ૬:૫૦ વાગ્યા છે. પલ પોતાના ફોન સીધો કાન પર રાખે છે અને હેલો કહે છે.

પૂજા - અરે ઓ કુંભકરણ હવે જાગો. બહુ સૂઈ લીધું. અહીં દુનિયા ક્યાંથી ક્યાં પહોંચી અને તમે હજી સૂતાં છો હે.ચાલો ચાલો મારા લાડકવાયા પલજી હવે ઊઠો.

પલ - ( આંખો મિચતા મિચતા ઊભો થાય છે ) અરે પૂજા તું ? અત્યારે માં ? શુ થયું ? કઇ પ્રોબ્લેમ તો નથી ને ? કઇ હોય તો કહે હું ફટાફટ તારા પાસે પહોંચું !!

પૂજા - અરે ના પલ કશું નહીં થયુ, રિલેક્સ. સાંભળ હવે હું તને દરરોજ આ ટાઈમ એ કોલ કરીશ કેમ કે મારી ઓફિસનો સમય સવારનો છે અને ત્યાં પહોંચતા મને પંદર- વીસ મિનિટ જેવું લાગે છે તો આપણે વાત કરીશું અને હું તને ઉઠાડીશ. ચાલશે ને ? 

પલ - અરે કેમ નહીં. સારું ને કે સવાર સવાર માં તારો ફોન આવે અને તું મને ઉઠાડ. હવે આખો દિવસ સારો જશે.

પલ - હા પણ ખાલી દસ જ મિનિટ વાત કરીશ હો..

પૂજા - અરે કઈ વાંધો નહીં. બસ તારો અવાજ સંભળાય અને સવાર સવારમાં તારી સાથે વાત થઈ જાય એટલે બધુ આવી ગયુ.

      આમ બસ દરરોજ સવારે પૂજા પલ ને કોલ કરે, પલ ને ઉઠાડે અને બને વાતો કરે. સાંજે તો કઈ નક્કી ના હોય વાત કરવાનું. એ તો એમ જ રહ્યું છતાં પણ નીલ ખુશ હતો કે પૂજાના સવારે ફોન આવે છે અને વાત કરે છે. આવું બસ દસ થી પંદર દિવસ ચાલ્યુ અને જેમ પહેલા હતું એમ નો કોલ નો મેસેજ એવુ થઈ ગયુ. ધીરે ધીરે દિવસો પસાર થઇ રહ્યા હતા. બને ના સંબંધ નો અંત નજીક આવવા લાગ્યો હતો.પલ પોતાની રીતે સંબંધ જાળવી રાખવાનો પ્રયત્ન કરી રહ્યો હતો અને પૂજા પોતાના કામમાં મશગુલ. પૂજા આખો દિવસ કામ માં વ્યસ્ત રહેતી. જ્યારે ટાઈમ મળે ત્યારે વાંચવા બેસે અને ક્યારેક ફ્રી થાય તો નીલ ને મેસેજ કરે. બસ આમ આ બને નું જીવન ચાલી રહ્યું હતું.

         એક દિવસ પલના બહુ કહેવાથી પૂજા મળવા માટે ની હા પાડી સાથે પૂજા પલને એક સરપ્રાઈઝની વાત જણાવે છે.પલ વધુ ખુશ થઇ જાય છે. પલ બીજા દિવસે પૂજાના ઓફીસની બહાર પહોંચી ગયો. દરવાજાની બહાર પલ પૂજા ની રાહ જોવે છે. દૂર થી પૂજા આવતી દેખાય છે. ઘણા સમય બાદ પલ પૂજા ને જુએ છે તો જોતો જ રહી જાય છે.અંદર થી ખૂબ જ ખુશ થઈ જાય છે અને મન માં બસ એક જ સવાલ છે કે પૂજા મારી પાસે આવે એટલે પેહલા સરપ્રાઈઝ વિશે પૂછુ. પૂજા પલની પાસે આવે છે. એકબીજાની ખબર અંતર પૂછે છે. પલ પૂજાને જાડી થઈ ગઈ એમ કહીને ચીડાવે છે અને પૂજા પલ ને બાવો કહીને ખીજવે છે.પલ પૂજા ને સરપ્રાઇઝ વિશે પૂછે છે કે શું સરપ્રાઇઝ છે.

પૂજા - યાર પલ પાપા મારા માટે એક્ટિવા લઈ આવ્યા છે અને મને એ ચલાવતા નથી આવડતી તો તારે મને શીખવવાની છે.આમ તો મને થોડી થોડી આવડે છે પણ ટ્રાફિક માં બહુ જ બીક લાગે છે.તો તારે આજે મને પરફેક્ટ ચલાવતા શીખવવાનું છે એટલે મેં તને અહીં બોલાવ્યો છે. તો શું તું મને શીખવાડીશ કે નહીં. ? 

પલ - અરે પૂજા કેમ નહીં ચાલ.

પૂજા - એક કામ કર તું અહી જ્યાં સામે રેસ્ટોરન્ટ છે ત્યાં મારી રાહ જો, હું હમણાં એક્ટિવા લઇને ઘરેથી પાછી આવું પછી આપણે હાઈ-વે પર શીખવા માટે જઈએ. બરોબર ?

પલ - એ માતાજી જરા થોભી જા ! તું ઘરે થી અહીં સુધી એક્ટિવા લાવીશ એમ ? અને હાઈ-વે પર શીખવા જવું છે એમ ? તું પાગલ છે ? રસ્તામાં ક્યાંક કોઈને તે ઉડાડયો અથવા તને કંઈક થયું તો હું તારા જેવું નંગ ક્યાં લેવા જઈશ !

પૂજા - અરે પલ એમ તો મને આવડે છે એક્ટિવા. તું ડર નહીં. ચાલ ચાલ હું આવું છુ હમણાં તું અહીં જ મારી રાહ જો. (પૂજા દરરોજ પોતાના ઘરથી ઓફીસ સુધી રીક્ષામાં આવતી ) 

      પૂજા ઘરેથી એક્ટિવા લે છે અને એના મમ્મી ને એક્ટિવા શીખવા જાય છે એમ કહી ને નીકળે છે. પૂજા ધીરે ધીરે એક્ટિવા લઈને પલ પાસે પહોંચે છે, ત્યાંથી પલ એક્ટિવા લઈને સીટીની બહાર આવેલા હાઈ-વે પર જાય છે. પલ પૂજાને આગળ બેસાડે છે અને ધીરે ધીરે પલ પૂજા ને એક્ટિવા શીખવાડે છે. બનેં મસ્તી કરતા કરતા એક્ટિવા શીખે છે..આમ બનેં જણા એક બાઈક પર સાથે છે. ધીરે ધીરે પૂજા ને એક્ટિવા નું પરફેક્ટ બેલેન્સ આવી જાય છે.આમ ધીરે ધીરે પૂજા એક્ટિવા શીખી જાય છે. બસ આમ ધીરે ધીરે બને પોતાના સંબંધો સુધારવાની કોશીશ કરી રહ્યા હતા પણ આ સંબંધો વધારે સુધર્યા નહીં. બસ ફરી જેમ પહેલા હતું એ જ રીતે થવા લાગ્યું.પૂજાના સવારે આવતા કોલ બંધ, મેસેજ બંધ, સાંજે કઇ પણ જાતની વાત કર્યા વિના ગુડ નાઈટ ના મેસેજ બસ .એક દિવસ બને વચ્ચે ખૂબ જ મોટો ઝઘડો થયો. પૂજાએ એ પલ ને ઘણું બધુ કહ્યું કે તારામાં કઈ છે જ નહીં, તું આવો છે, તને બસ વાત કરવા જોઈએ, તને કઈ પડી જ નથી પણ સામે પલ એ ઘણો પ્રયત્ન કર્યો અવની ને સમજાવવાનો.

પલ - દિકા સાંભળ. હું તને એમ નથી કહેતો કે તું મારા સાથે આખો દિવસ વાત કર, મને મેસેજ કર, ફોન કર પણ તને એટલું તો યાદ હોવું જોઈએ ને કે મારે એક બોયફ્રેન્ડ છે. એ મને કેટલો બધો પ્રેમ કરે છે તો હું એને થોડો સમય આપુ ? તું જ્યારે સવારે ઓફિસ જાય છે ત્યારે મને કોલ કરી શકે ને. તું એમ કહે છે કે મારે ઓફીસ પહોંચતા મોડું થઈ જાય એટલે ફોન ના થાય પણ દરરોજ તો અવની મોડું ના થાય ને ? અને આમ પણ તે જ મને કીધું હતું ને કે સમય કોઈ પાસે ના હોય પણ કોઈ વ્યક્તિ આપણું હોય તો એની માટે સમય કાઢવો પડે. ચલ મને એ સમય પણ નથી જોઈતો પણ તું જ્યારે ઓફીસથી ઘરે આવ ત્યારે તો મને એક કોલ કરી શકે ને ? તું પહેલા ઘરે પહોંચ્યા પછી પણ મેસેજ કરતી કે દિકા હું પહોંચી ગઈ છું અને જમવા બેસું છુ. હવે એ મેસેજ પણ બંધ થયા તો ફોનની વાત તો દૂર રહી. ચાલ માન્યું કે તને ભૂખ લાગી હોય, ઘરે કામ હોય તો ફોનના કરી શકે રસ્તામાં. સારું ચલ એ પણ જવા દઈએ. હવે મને એ કહે કે તે સીટી લાઈબ્રેરી જઈને વાંચવાનું ચાલુ કર્યું છે તો કદાચ તું જ્યારે રસ્તામાં જતી હશે ત્યારે તો તને સમય મળતો હશે ને ? અને ચાલ રસ્તામાં સમયના મળ્યો હોય તો ત્યાં પહોંચીને તો એક ફોનકરી શકે ને ?? તારો ખાલી એટલો જ મેસેજ આવે છે કે હું લાઈબ્રેરી એ આવી છું અને વાંચુ છુ.ચલ એ પણ માન્યું કે તું લાઇબ્રેરી એ જઈને વાંચવા લાગી મને કંઈ પ્રોબ્લેમ નથી પણ હવે જ્યારે તું લાઈબ્રેરીએ થી નીકળે છે ત્યારે તો મને તું એક ફોન કરી શકે ને !!! ચાલ એ પણ માન્યું કે તારે સાંજની રસોઈ કરવાની હોય એટલે તું ફટાફટ જતી હોય એટલે સમય ના મળે પણ સાંજે તો તું મારી સાથે ખાલી દસ મિનિટ તો વાત કરી જ શકે ને ? તું મને વાર વાર એવું કહે છે કે હું તને ટૉન્ટ મારુ છુ વાત વાત માં કે તું મને સમય નથી આપતી. તો દિકા તું મને કહીશ કે છેલ્લે તે ક્યારે મારી સાથે હસી ને વાત કરી ? ક્યારે પ્રેમથી તે મને I Love U કહ્યું ? 

પૂજા -( વચ્ચેથી બોલતા ) અરે આઈ લવ યુ તો દરરોજ કહું છું ને હું !

પલ - મારા વહાલા તું જે કહે છે ને એ દરરોજનો ડાયલોગ બની ગયો છે.તને ખબર જ છે તું શું બોલે છે એ.

“ગુડ નાઈટ દિકા. હું સૂવ છું. મને બહુ જ ઊંઘ આવે છે. તું વહેલો સુઈ જાજે. બાય.લવ યુ “બસ આ તારો આ જ મેસેજ હોય છે પૂજા . પૂજા કામ પણ બધા કરતા હોય, નોકરી પણ બધા કરતા હોય, સમય પણ કોઈ પાસે ના હોય, પણ જ્યારે આપણે પોતાના જીવનમાં આગળ વધતા હોઈએ ને ત્યારે પાછળ પણ ક્યારેક જોતું રહેવું જોઈએ.તને કહેવા માટે તો મારા પાસે ઘણું બધું છે પણ મારે કશું જ નથી કહેવું કારણ કે વાંક તારો નથી મારો છે. હું જ વધુ તારા પાસે ખોટી આશા રાખું છું.

“ભૂલ મારી છે કે હું તને વધારે પ્રેમ કરું છુ “

“ભૂલ મારી છે કે તારા સાથે વાત કર્યા વગર મારે નથી ચાલતું “

“ભૂલ મારી છે કે હું રાત્રે મોડે સુધી જાગી ને આપણા બંનેના ફોટો ને જોવ છું “

“ ભૂલ મારી છે કે હું તારી સાથે સમય વિતાવવા માટે ભીખ માંગુ છું. ( આમ પણ પ્રેમ કરવા વાળા અત્યારે ભિખારી જ છે ને !! ભિખારી પૈસા માંગે અને પ્રેમીઓ એક બીજા પાસે થી ટાઈમ માંગે અને વાતો માંગે ) અને હા મારી સૌથી મોટી ભૂલ એ છે કે હું તને મારા કરતાં પણ વધારે પ્રેમ કરૂ છુ”

“ સવાર માં ઉઠતાની સાથે પેહલા હું સૂરજ ના દર્શન કરતો પણ હવે મોબાઈલ માં તારો ફોટો જોવ છું આ મારી ભૂલ છે.”

      “ મમ્મી મને પરાણે સવારે નાસ્તો કરાવતી, જે ખાવું હોય એ બનાવી આપતી અને મને ખીજાય ને ખવડાવતી અને હાથ પકડીને બેસાડી ને ખવડાવતી પણ તારી સાથે વાત ના થાય તો મારો મૂડ ના હોય એટલે એ હું સવારમાં નાસ્તો નથી કરતો આ ભૂલ છે કેમ કે મેં તને પ્રેમ કર્યો છે અને મારા મમ્મી એ મને “

      “ આખો દિવસમાં મમ્મી ને એક વાર ફોન કરું છું અને એક જ વાર પૂછું છું કે મમ્મી તું જમી લે જે, અને એ પણ ક્યારેક તો પૂછતો પણ નથી મમ્મી ને અને સામે તને દસ મેસેજ કરું છું કે દિકા શાંતિ થી જમી લેજે, તારું ધ્યાન રાખજે, થોડીવાર સુઈ જાજે, આરામ કરજે. આ ભૂલ છે મારી “ કહેવા માટે તો ઘણું છે પણ તું સાંભળી નહીં શકે.

પૂજા - જો એવું બધું હોય તો છોડી જ દે ને મને. શા માટે ભૂલો કરે છે ?

પલ - બસ આજ પ્રોબ્લેમ છે પૂજા . તું સાચુ સાંભળી નથી શકતી. કોઈ માણસ જ્યારે કેહતું હોય ત્યારે એનું પૂરું સાંભળ. અને હા જ્યારે કોઈ લોકો આપણને કશું કહે છે તો એ આપણા સારા માટે કહે છે.કોઈ ને એવો ખોટો શોખ નહીં હોતો કહેવાનો.

પૂજા - તો પછી એમ જ કહી આપને કે હું ખોટી જ છુ સાવ, મારામાં બુદ્ધી નથી, હું ખરાબ છુ.

પલ - અવની પ્લીઝ . વાતને એટલી બધી આગળ ના વધાર.. તારે વાત ના કરવી હોય તો ના પાડી દે.

પૂજા - ( એક દમ ગુસ્સામાં ) હા તો નથી કરવી વાત, આજ શુ કાલે પણ નથી કરવી અને ક્યારેય પણ નથી કરવી. ના કોલ કરતો ના મેસેજ..

પલ - પૂજા તું ગુસ્સામાં છે. જોઈ વિચારીને બોલ જે.ગુસ્સામાં માણસ ના કહેવાનું બોલી જતો હોય છે.

પૂજા - વિચારી ને જ બોલું છુ બાય. નો કોલ, નો મેસેજ પ્લીઝ.તને એટલું એટલું કહ્યા છતાં પણ તું બે શરમની જેમ હજી મને મેસેજ કરે છે, સાવ નાક વગરનો છે તું પલ સાવ નાક વગર નો.તારા માં સહેજ પણ બુદ્ધિ નથી અને વાત રહી સમજ ની તો એ તો જરાય નથી. હવે થોડીક શરમ બાકી હોય તો એ રાખ અને મને મૂકી દે. મારે નથી રહેવું તારા સાથે બાય. પ્લીઝ તને હાથ જોડુ છુ. મને મેસેજ ના કરતો બાકી સારું નહીં રે તારા માટે અને વાત રહી પ્રેમ ની તો Love is My Foot. હું તારી સાથે બ્રેકઅપ કરું છું.હવે મને ક્યારેય મેસેજ ન કરતો.મને મેસેજ કર્યોને તો તને જેલ ભેગો કરી દઈશ.

       આ મેસેજ વાંચ્યા પછી પલ ને જે આખરી ઉમ્મીદ હતી કે પૂજા મને સમજશે અને માની જશે, બંને પેલા ની જેમ સાથે ભેગા થઈ જશે ને આગળ વધશે એ બધી વાતનો ધુમાડો પલના દિલ માંથી બહાર નીકળી જાય છે. આખરે પલ પૂજા ને છેલ્લો મેસેજ કરી ને કહે છે કે,

" હા પૂજા હુ નાક વગરનો છુ કારણ કે તારા જેવી છોકરી સાથે મેં પ્રેમ કર્યો. પ્રેમ તો તાર માં હતો જ નહીં મારા પ્રત્યે. પણ હુ ગાંડો સપના જોતો રહ્યો કે તું મને પ્રેમ કરે છે. હા અવની હુ બેશરમ છુ કે તને મેં ગાંડા ની જેમ પ્રેમ કર્યો છે,

ગાંડા ની જેમ તારું ધ્યાન રાખ્યું.

ગાંડા ની જેમ દરેક વખતે તારી સાથે ઊભો રહ્યો છુ,

ગાંડા ની જેમ તારી માટે અવાર નવાર બીજા ને ખોટું બોલીને તને મળવા આવ્યો છુ..

અને હા ખાસ તો ગાંડા ની જેમ તને યાદ કરી છે અને તને દિલ થી અને આત્મા થી ચાહી છે..

વાત રહી મારી સમજની તો એના વિશે તને કહી કહેવાની જરૂર નથી. તારા પ્રત્યે નું માન એ મારી સમજ હતી.તને આગળ વધારવી એ મારી સમજ હતી.દરેક વાત માં તારી સાથે રહેવુ એ મારી સમજ હતી અને તારા શરીરથી નહીં પણ દિલ થી પ્રેમ કરવો એ મારી સમજ હતી.

સોરી ટુ સેય પણ તું મારા પ્રેમ ને લાયક જ નથી..જ્યારે તને કોઈ તારા જેવું જ મળશે ને ત્યારે તને આ પલ ની યાદ આવશે અને મારી કદર થશે.

    આમ કહી પલ ફોન મૂકે છે.પૂજા સાથેના બ્રેકઅપથી પલ ખૂબ જ દુઃખ થાય છે.તે બધું મૂકીને પોતાના કામની અંદર લાગી જાય છે. આમ ને આમ ચારથી પાંચ દિવસો જતા રહે છે. છેવટે પલ એની બહેનને ફોન કરે છે.

પલ - હેલો બહેન ક્યાં છે તુ ? ફ્રી છે તું ? મારે તને એક વાત કરવી છે !! કરી શકુ.

ક્રિષ્ના –(પલની બહેન ) અરે ભાઈ શુ થયું ? કેમ એટલો 

ટેંશન માં લાગે છે ? અને જરા ધીરે બોલ ભાઈ ધીરજ રાખ..

પલ - અરે હા બેન !! પણ મારે વાત કરવી છે તારી સાથે અને તું જ મારી મદદ કરી શકીશ.

ક્રિષ્ના - અરે હા ભાઈ પણ સાંભળ થોડું કામ પતાવી ને તને દસ જ મિનિટમાં ફોન કરૂ હો. ચાલશે ને ? 

નીલ - અરે હા બેન ચાલશે પણ તું ફોન કરવાનું ભૂલતી નહી હો.

ક્રિષ્ના - અરે હા બાબા હા. કરું જ હમણાં.

       નીલ તેની બહેન ક્રિષ્નાના ફોમની રાહ જુએ છે.થોડીવારમાં ક્રિષ્નાનો ફોન આવે છે.

ક્રિષ્ના - હો બોલ મારા વહાલા વહાલા ભાઈ. શુ થયું મારા સિંહ જેવા ભાઈ ને ? કોણ છે એ મારા ભાઈ ને ટેંશન આપવા વાળું ? બોલ ચાલ

પલ - ( ધીરે ધીરે બોલતા બોલતા ) યાર બેન શુ કહું તને પહેલી પૂજા જોને ! કેવું કરે છે સાવ.

ક્રિષ્ના - શુ ઝગડો થયો છે તમારો ? પાગલ ઝગડો તો થયા કરે અને સંબંધમાં તો આવુ ચાલતું જ હોય છે.

પલ –બહેન એવું નથી.

ક્રિષ્ના - કઇ નઇ ચાલ. હું પૂજાને ફોન કરીને સમજાવું છુ, તું આમ ઉદાસ નહિ થા મારા પાગલ ભાઈ. તને ઉદાસ જોવ તો મને પણ મજા ના આવે.

પલ - બેન યાર !!! શુ કહું તને ?

ક્રિષ્ના - જે કહેવું હોય એ સીધે સીધું કહે .

પલ : બેન તું જે પ્રમાણે સમજે છે એ પ્રમાણે કાઈ જ નથી.

ક્રિષ્ના : તો મને કહે બધું ચાલ.

પલ : ક્યાંથી શરુ કરવું પણ, શુ શુ કહું તને હું ? મને કશું નથી સમજાતું.

ક્રિષ્ના : ભાઈ પહેલા ઊંડો શ્વાસ લે. મગજ ને શાંત કર અને પછી મને બધું કહે જે તમારા બંને વચ્ચે થયું હોય..

પલ : બેન મારી અને પૂજા વચ્ચે છેલ્લા ઘણા સમયથી ઝગડા ચાલી રહ્યા છે અને હવે તો બ્રેકઅપ પણ કરી લીધું છે. અને પાછુ બરાબર ઠીક પણ થઈ ગયુ હતુ પણ હવે ખબર નહીં શુ થયું પૂજા સાવ બદલાઈ ગઇ છે.

ક્રિષ્ના : ( વચ્ચે થી રોકતા ) એક મિનિટ એક મિનિટ. તે શું કીધું ? તમારું એક વાર બ્રેકઅપ થઈ ગયું છે એમ ? 

પલ : હા

ક્રિષ્ના : તો તે મને કીધું કેમ નહીં અત્યાર સુધી આટલુ બધુ થઈ ગયુ તમારી બંને વચ્ચે તો ? 

પલ : અરે બેન પણ મને એમ કે બધુ ઠીક થઈ જશે એટલે.

ક્રિષ્ના : અરે મારા પાગલ ભાઈ. આ એવી વસ્તુ નથી કે જલ્દી થી ઠીક થાય. બીજું શુ -શુ થયુ એ પણ કહે જરા.

પલ : યાર બેન એની પાસે સમય જ નથી મારા માટે, એક દિવસ માં ફકત ખાલી એનો એક જ મેસેજ આવે છે અને એ પણ બસ ખાલી ગુડ નાઈટનો.એ એના કામમાં બહુ વ્યસ્ત થઈ ગઈ છે. એ વાંચતી હોય, કામ કરતી હોય ચાલ એ હુ માનુ છુ પણ મને થોડોક તો સમય આપવો પડે ને બેન ?

ક્રિષ્ના : અરે હા મારા ભાઈ તું સાચો છો. એ તો મને પણ લાગ્યું કેમ કે અહીં થી જ્યારે તમે લોકો ગયા ત્યારે મને બે દિવસ એના મેસેજ આવ્યા પછી તો ના કોલ કે ના મેસેજ અને હા સાંભળ ભાઈ .

પલ : હા બોલ બેન.

ક્રિષ્ના : જો ભાઈ સંબંધ એવી વસ્તુ છે ને જેમાં બંનેને એકબીજા ને સમજવું પડે છે. જ્યારે બંને ઝઘડતા હોય ત્યારે બે માંથી એક ને નમતું મૂકી દેવુ જૉઈએ.જો બને સાથે એવા જ ભેગા થશો, કોઈ નમતુ નહીં મૂકે, કોઈ પોતાનો ઈગો નહીં છોડે તો સંબંધ આગળ નહીં વધે અને જ્યારે કોઈ એક વ્યક્તિ તમારાથી નારાઝ હોય ત્યારે એને મનાવવાની જવાબદારી તમારી હોય છે. અને ભાઈ છોકરીઓ વધારે પ્રમાણમાં નારાઝ થતી હોય છે તો તારી જ ફરજ બને કે તું અવની ને મનાવ અને ભાઈ વાત રહી સમયની તો એમાં હું તારી સાથે છુ. કેમ કે જે વ્યક્તિ તમારું છે, તમને પ્રેમ કરે છે, તમને ચાહે છે તો એ વ્યક્તિ કદાચ ગમે તેટલું વ્યસ્ત હશે પણ પોતાના પ્રેમ માટે તો ટાઈમ કાઢી જ લેશે.ભાઈ જો અવની તને સમય નથી આપતી તો એના સાથે એ બાબત પર વાત કર.

પલ - અરે બેન મેં કેટલી વાર એની સાથે આ બાબત પર વાત કરી છે પણ પૂજાને સમજવું જ નથી. એના કારણે જ અમારા ઝગડા થાય છે.

ક્રિષ્ના - જો ભાઈ વ્યક્તિ બે રીતે તમને ઇગ્નોર કરે છે. એક તો કોઈ બીજું એમને મળી ગયું હોય અથવા તો જ્યારે તમારા સાથે રહેવાની ઈચ્છા ન હોય . તમારામાંથી રસ ઉડી ગયો હોય.ભાઈ આજ કાલ ના પ્રેમ માં એવું જ છે. જ્યાં સુધી આંખ જોઈ જોઈ ને ધરાય ના જાય ત્યાં સુધી પ્રેમ અને જ્યારે આંખ ધરાઈ જાય ત્યારે બ્રેકઅપ. હું એમ નથી કહેતી કે અવની ખરાબ છે પણ ભાઈ આ દુનિયા છે. ક્યારે કોણ પોતાનું બદલાઈ જાય એ ખબર નથી પડતી. તું જે પ્રમાણે મને કહી રહ્યો છે એમાં હું તારી બધી જ વાત સમજી ગઈ. ભાઈ તું કેવો છે એ મને ખબર છે પણ પૂજા સાથે હું એક જ વાર મળી છુ તો વગર જાણ્યે પૂજા વિશે ના કહી શકું. તું જે પ્રમાણે પૂજાના વખાણ કરતો એ પ્રમાણે તો મને એ ખૂબ સારી છોકરી લાગતી હતી અને કદાચ સારી પણ હશે. ભાઈ છોકરીઓને ઓળખવી ખૂબ જ મુશ્કેલ છે. છોકરીઓને વાત વાતમાં ગુસ્સો આવતો હોય છે, તમારું ધ્યાન રાખતી હોય છે, ટોકતી હશે, અને સાચો પ્રેમ પણ કરતી હશે અને ક્યારેક મસ્તી પણ કરતી હશે અને ક્યારેક તો ખૂબ ઉદાસ પણ હશે.

પલ - અરે બેન હું જાણુ છુ બધુ પણ પૂજા ખૂબ જ બદલાઈ ગઈ છે. જે પ્રમાણે એ પહેલા મારું ધ્યાન રાખતી અત્યારે એનું એક ટકા પણ ધ્યાન નથી રાખતી. પૂજાને મારા સાથે પ્રેમ છે કે નહીં એ મને ખબર નથી પણ હું એને ખૂબ જ પ્રેમ કરું છું એ મને ખબર છે.બેન છેલ્લા એક અઠવાડિયાથી પૂજાએ મને બધા માં બ્લોક કરી છે, નંબર બ્લેકલીસ્ટ મા નાખ્યો છે. શુ પ્રેમ આવો જ હોય છે ?

ક્રિષ્ના - ભાઈ તારી બધી લાગણી હું સમજુ છુ પણ મને નથી લાગતું કે હવે પૂજાના મનમાં તારા પ્રત્યે કઈ હોય. કેમ કે જો તને એ પ્રેમ કરતી હોય તો તને સમય આપે જ. એ ભલે એના કામમાં હોય પણ થોડોક સમયતો તને આપે જ. તારા જીજાજી જ જોઈ લે. આખો દિવસ કામમાં હોય છે પણ જ્યારે પણ એમને સમય મળે છે ત્યારે એ મને ફોન કરે છે અને વાત કરે છે. સાંજે ઘરે આવે એટલે બધું કામ પતાવીને મને સમય આપે છે અને હા ક્યારેક સમયના પણ મળે પણ જો દરરોજ સમયના મળતો હોય તો એ પ્રેમ થોડો અઘરો કહેવાય..

પલ - હા બેન મને ખબર છે બધી પણ હું શું કરું..

ક્રિષ્ના - જો ભાઈ પેલું કહેવાય ને " જ્યારે કોઈ સંબંધ તૂટે અથવા પૂર્ણ થાય ત્યારે એની પાછળ નું મુખ્ય કારણ બંને માંથી એકની ખામોશી હોય છે " જ્યારે સંબંધમાં કોઈ એક ચૂપ થઈ જાય ત્યારે એ સંબંધના અંતની શરૂઆત થાય છે અને મારા પાગલ ભાઈ તું દુઃખી ન થા. તારો પ્રેમ સાચો છે અને પૂજાનો પણ. બસ ખાલી એક બીજા સમજો એટલે પ્રેમ સફળ.પૂજાને થોડો સમય એકલું રહેવું છે, મને એવું લાગે છે કે તારા વધારે પડતા પ્રેમના કારણે આવુ થયું છે. મારુ માનતો હોય તો એક સલાહ આપીશ કે પૂજાને થોડો સમય આપ, એકલા રહેવા દે.

પલ - પણ બેન..

ક્રિષ્ના - ભાઈ હું સમજી વિચારીને જ તને કહુ છુ. હું જેમ કહુ છુ એમ કર.

પલ - હા બેન...

ક્રિષ્ના - અને હા મારા પાગલ ભાઈ હવે તું પણ થોડો આરામ કર. બહારગામ ફરી આવ એટલે મગજ ફ્રેશ થઈ જાય ને સાથે ધ્યાન પણ બીજે રહે..

       આમ પલ પોતાની બહેનની વાત માની ને થોડા દિવસ પૂજા ને મેસેજ કે ફોન કરવાનું બંધ કરી દે છે. બહાર ગામ ફરી ને પોતાની જાત સાથે ખુશીથી આનંદનો લુપ્ત ઉઠાવે છે પણ આતો દિલ છે સાહેબ, ગમે તેટલા ગુસ્સામાં હોય પણ દિલમાં રહેલ વ્યક્તિની યાદ તો આવી જ જાય. બસ આમ જ દિવસો વીતતા રહે છે ને એક મહિનો પસાર થઈ જાય છે.

    આખરે થોડા દિવસો બાદ ફરી પલ પૂજાને મેસેજ કરે છે.ઘણી બધી વાતો થાય છે.પૂજાનો ગુસ્સો શાંત થઈ જાય છે.બંને એકબીજાને સમજે છે. એકબીજાની ભૂલો માને છે ને બંને ફરી એક થઈ જાય છે..