તું રીસાય, તો

તું રીસાય, તો એક સરસ એવી રંગીન સાડી

હું રિસાઉં, તો ફક્ત તારી મહેંક કેરી વાડી

તું રીસાય, તો લાંબો લચક મોગરાનો સુગંધી ગજરો

હું રિસાઉં, તો ફક્ત તારા મુખ પરનો સ્મિત કેરો મુજરો

તું રીસાય, તો ભલો મોટો કડક કૉફીનો મગ

હું રિસાઉં, તો ફક્ત તારા હાસ્યનું મીઠું જગ

તું રીસાય, તો સ્વાદિષ્ટ પાલક પનીરની ભાજી

હું રિસાઉં, તો ફક્ત તારા લટકાઓથી રાજી

તું રીસાય, તો કેટલુંય ને કેટલુંય છે અહીં

હું રિસાઉં, તો ફક્ત તું જ જોઈએ, બીજું કઈં નહીં

તને દેવા માટે તો ઘણું ઘણું છે, દેવા જેવું

મને તો બસ તું જ હોય તો, ઘણું છે લેવા જેવું