તમે હતા

હારી ચૂકી હતી હું બધેથી, ત્યારે મારી હિંમત બનનાર...તમે હતા

જીવનમાં આવતા તોફાનો સામે ઢાલ બની મને રક્ષનાર...તમે હતા,

જ્યારે રસ્તો ન મળે ક્યાંય ને હૃદય ખુબ મૂંઝાય,

ત્યારે શક્તિ બની મારી સાચી રાહ ચીંધનાર...તમે હતા

પથ્થર હતી હું તો કશા મૂલ્ય વિનાની,

પોતાની જાત ઘસી મને ચમકાવનાર...તમે હતા

ઈશ્વરને બધા આ જગના પિતા કહે છે,

ને દરેક ગુરૂના હૃદયમાં ખુદ ઈશ્વર રહે છે

પણ સ્થાન રહેશે તુજથી ઊંચું,હે પ્રભુ..

કારણકે મને ઈશ્વરનો પરિચય આપનાર...તમે હતા.