શિક્ષક એક ઉદ્દીપક

"આદમ"માંથી "માણસ" બનાવ્યો,

આ તમામ પ્રકિયાના ઉદ્દીપક,

મારા શિક્ષક હતા...!

ખાલી ડગલું માંડતા જ આવડતું હતું,

સાચા રસ્તે દીવો બતાવનાર,

મારા શિક્ષક હતા.

ડર હતો, મૂંઝવણ હતી,

દુનિયાની વાસ્તવિકતાની સમજણ ન હતી.

મારા ઉપર મારાથી પણ વધારે ભરોસો કરનાર,

મારા શિક્ષક હતા.

કડવું વલણ, તીખા શબ્દો અને સોટીનો એ ચમકાર,

સજા આપીને મારૂં ઘડતર સિંચનારા,

મારા શિક્ષક હતા.

એક મિત્ર, એક ભાઈ કે પછી મા-બાપ,

તમામ કિરદારો બખૂબી નિભાવનાર,

મારા શિક્ષક હતા.

અને શબ્દોથી કવિતાઓ ભલે ને તું કેટલી પણ બનાવે "હેરત",

મૂળાક્ષરોની બારાખડી મને શીખવનાર તો,

મારા શિક્ષક હતા...!