સાક્ષી

ના હજુ આ દેશ મારો થઈ શક્યો આઝાદ છે !

હિન્દુ મુસ્લિમની વચાળે ક્યાં શમ્યો જો વાદ છે !

જાળવી રાખો તો તમને રાખશે એ જાળવી,

એટલી બસ સાંસ્કૃતિક આ વારસાની દાદ છે !

ચીન પાકિસ્તાનની મૈત્રી ભલેને ગાઢ હો, 

સર્જિકલ સ્ટ્રાઈકનો ચાખી ગયા પરસાદ છે !

એક સવા લાખથી લડાવે, સિંહ ભગાડે ગીધથી

યાદ ગુરુ ગોવિંદસિંહની આજ પણ જેહાદ છે !

જ્યાં બળ્યું કાપડ વિદેશી આજ એ જગ્યા સહિત,

વા બધે પશ્ચિમનાં વાયા સાક્ષી અમદાવાદ છે !

*અરજ,

જેહાદ - ધર્મ ખાતર કરેલું યુદ્ધ