મીરાં

દરેક શ્વાસમાં શ્યામને રાખે છે, એવી એની ધડકન,

સદા શ્યામ ને રટાઈ જાય છે, એવા એના ગીત ભજન.

નામ એનું એવું છે જે કોઈ બોલે તો, રાધા એમાં જડે,

સદા રાખ્યો શ્યામને સાથ, એવી એની અમી ભરેલ નયન.

રોજ વળ ખાતો રાણો મનાવવા, સૌ કોઈ નથી જાણ્યું

સદા મીરાંને લાગી છે, શ્યામ સંગ પ્રેમ ભક્તિની લગન.

ચાહે તો જમાનો એને બદનામ કરવાને, પણ શ્યામ છે સંગાથ,

એનો પડછાયો કોઈ ચૂમી ના શકે, તરસે છે ચંદ્ર સિતારા ગગન.

એવી એની ભક્તિ છે, કવિ "પ્રિયતમ" થી શું થાય વર્ણન,

સદા જેની ઝાંખી કરી મેં, જોયા મીરાંમાં ભગવાનના દર્શન.