માયાજાળ

રહેવું નથી મારે હવે આ સંસારની જાળમાં,

બસ, નીકળી પડવું છે કુદરતની આડમાં,

મથવું કેટલું આ કાળામથાળા માનવીની માયાજાળમાં,

હવે માત્ર રહેવું છે મારે જગતનાથના ધ્યાનમાં,

આજે ત્યજુ કે કાલે ત્યાજુ, દિવસો નહીં વિતે હવે રાહમાં,

જેટલું રહું આ સંસારમાં, એટલી નજીક જવું કાળના,

ઈશ્વર પણ કહે છે, હે માનવ મને આમ તું ખાળ મા,

મળું છું ગમે ત્યારે તને ! છતાંય આમ સ્વાર્થે તું આવ મા,

બસ, નીકળી પડવું છે હવે નિજાનંદની ખોજમાં,

રહેવું નથી મારે હવે આ સંસારની જાળમાં.