મા તારી યાદ
મા તારી યાદ
મા તારી યાદ રડાવે રડાવે આજ,
મા તારી યાદ સતાવે સતાવે આજ !
યાદોમાં જ છું તું મા ! આજ આજ
નથી પ્રત્યક્ષ તું હાજરાહજૂર ! આજ,
મા તારી યાદ રડાવે રડાવે આજ....
તરસે તરસે કાન તુજ અંતર ટહુકા કાજ
તરસે નૈના, મન હરઘડી તુજ દર્શન કાજ !
મા તારી યાદ રડાવે રડાવે આજ !
ભૂલ્યો તુને જિંદગીમાં કોઈક કોઈક વાર
પણ સાવ ભૂલાઈ જ નથી ગૈ કહું સો વાર !
મા તારી યાદ રડાવે રડાવે આજ !
મા ! મા ! વારંવાર બોલું તોયે કેમ ન દે હોંકારો
મા ! મા ! તારા વગર આજ થઈ ગયો નોંધારો !
કાન્તાસુત તુજ વગર આજ અધૂરો અધૂરો !
મા તારી યાદ રડાવે રડાવે આજ !
મા ! યારી યાદ સતાવે સતાવે આજ !