છે મઝા

જિંદગીમાં કેટલુંક યાદ રાખવામાં છે મઝા,

જિંદગીમાં કેટલુંક સાવ ભૂલવામાં છે મઝા,

એમાં ગરબડ થતાં દશા બૂરી સંભવતી કદી,

મળ્યું એ બસ આપણું સમજવામાં છે મઝા,

આપણી ગણતરી મુજબ બધું ન પણ થાય,

વિપરીત સંજોગો હરિચ્છા ગણવામાં છે મઝા,

હર્ષ શોક સિક્કાની બે બાજુ સમા હોય વળી,

સંયમને સહનશીલતા વખતે ધરવામાં છે મઝા,

સ્વાર્થ એ જ એક મકસદ છે આ દુનિયા તણો,

નદી નાવ સંજોગ સમજીને હંકારવામાં છે મઝા,

અફસોસ કે આનંદ પચાવતા શીખવું છે જરુરી,

કપરા સંજોગે ધૈર્યકંથા આવકારવામાં છે મઝા.