ચાબૂક ન આપ

લથડતાં પાયા પર ઈમારતનો ભાર મજબૂત ન આપ,

ખાલી કર્યા છે અંતરના સૌ ઓરતા હવે તાબૂત ન આપ. 

ભલેને ફરે બજારમાં તું મેકઅપ અઢળક કરી ગાલે, 

ફોટો તેનો મોકલી ખુદની બેવફાઈનું સબૂત ન આપ. 

'ને સાથે જ રહેવું હોય તો રહેજે માફક હ્રદયની, 

આમ વિજળી ચમકારા જેમ સાથ જબૂક ન આપ. 

સમયના મારને સહન કરવા તો છે કઠણ કાળજું, 

કોરડા વિંઝવા પીઠ પર વખતને તું ચાબૂક ન આપ. 

ખુશ છું ખુશીનું નાનું સરખુંય ખાબોચિયું પામીને, 

વિશાળ, વિકરાળ, રક્તરંજિત તું કાબૂલ ન આપ.