બસ આટલો જ મારો પ્રેમ

જયારે એ મને ઘરે મૂકી જવાનું કહે,

અને હું ભગવાનને પ્રાર્થના કરું કે,

આજે ભરચક ટ્રાફિક હોય,

બસ આટલો જ મારો પ્રેમ.

જયારે બીજા કોઈનું નામ પણ,

એના નામ જેવું જ હોય,

અને એ સાંભળી મારૂ મન વિચલિત થાય,

બસ આટલો જ મારો પ્રેમ.

જયારે એના દૂર થવાના વિચાર માત્રથી જ,

મારૂ હ્રદય ધબકવાનું ભૂલી જાય,

બસ આટલો જ મારો પ્રેમ.

જયારે મને એના હોઠ કરતા,

એના હાથની ચા વધારે મીઠી લાગે,

બસ આટલો જ મારો પ્રેમ.

એકલો હોવ ત્યારે પુરપાટ જતી મારી બાઈક,

એના હોવાને લીધે એકદમ ધીમી થઈ જાય,

બસ આટલો જ મારો પ્રેમ.