హ్యాపీ బర్తడే వసీ
హ్యాపీ బర్తడే వసీ
డోర్ బెల్ మోగిన నిమిషానికి కీర్తి హడావిడిగా తలుపు తీసింది. మరో నిమిషం వేస్ట్ చేయకుండా, ఆమె తలుపు తెరిచి, తలుపు వద్ద నిలబడి ఉన్న తన భర్త వైపు తిరిగి నవ్వుతూ కనిపించింది. కీర్తీ క్రీమ్ కలర్ శారీలో గోదుమ రంగు వర్ణంలో మెరిసిపోతూ ఉంది. చందమామే దిగివచ్చిందా అన్నట్టు ఉంది.
అతను ఒక చేత్తో ఆమెను కౌగిలించుకుని లోపలికి ఒక అడుగు వేసి, ఆమె నుదిటిపై ముద్దాడాడు.
ఆమె అతనికి తాగడానికి నీరు తీసుకురావడానికి వంటగదిలోకి వెళ్ళ బోయింది. ఇంతలో ఆమెను ఆపి ఒక చిరునవ్వుతో బహుమతి ఇచ్చాడు.
ఆమెచాలా ఎక్సైట్మెంట్ ఫీల్ అవుతూ ఆ బహుమతిని తీసుకొని ఒపెన్ చేసింది. అందులో డైమండ్ రింగ్ ఉంది. ఆ బహుమతి కంటే తన భర్త తన మీద చూపిస్తున్న ప్రేమ కళ్లల్లో కనపడింది.
ఆమెకళ్లు ఆనందంతో వెలిగి పోతున్నాయి. అయ్యో మర్చిపోయా ఆగండి, మంచి నీళ్లు తాగమని నీళ్లు అందించింది. తను స్వయంగా చేసిన స్వీట్ను నోటీకిపెట్టింది.
వసీ దానినీ కొంత తిని మిగిలింది కీర్తీ కి తినిపించాడు. కీర్తి నువ్వు నాజీవతంలోకి వచ్చి నాకు ఇంత ప్రేమను పంచుతున్నావు. ఏమి చేసి నీ రుణం తీర్చుకోవాలి అను అంటుండగానే . కీర్తి అతని పెదవులపై వేలు పెట్టి అతని వాక్యాన్ని ఇంకా పూర్తి చేయకుండా ఆపింది.
అలసిపోయిన అతని కళ్ళలోకి చూస్తూ, నాకు అర్థమైంది, మీరు ఇదంతా చెప్పాల్సిన అవసరం లేదు' అని చెప్పింది. ఇప్పుడు, మీరు ప్లీజ్ ఫ్రెష్ అప్ అయితే, మీ కోసం నా దగ్గర ఒక సర్ప్రైజ్ ఉంది.'
కీర్తి నేర్పుగా డైనింగ్ టేబుల్ మీద ప్లేట్లన్నీ అమర్చి, తన కోసం ప్రత్యేకంగా ఉదయం నుంచి వండిన వంటలను వేడెక్కించింది. తనలో తాను హమ్ చేసుకుంటుంది.
వసీ తన పడకగది నుండి బయటకి వచ్చి, ఆమె టేబుల్ చుట్టూ నేర్పుగా కదులుతూ, చక్కగా సర్దుతున్నట్లు చూశాడు. అతను తన చేతులు కట్టుకొని నిశ్శబ్దంగా నిల్చున్నాడు. ఆమె చీర కారణంగా ఒక్కసారి కాదు రెండు సార్లు తడబడడం చూసి అతను ముసిముసిగా నవ్వుకున్నాడు.
ఆమె చెదిరిపోయిన జుట్టుతో ఆమెఅందం రెట్టింపు అయ్యింది. ఆమె కళ్ళు అలసిపోయినట్లు కనిపించాయి, అయినప్పటికీ ఆమె పెదవులపై అమాయకమైన చిరునవ్వు ఆడింది. అతను ఆమెను చూడడానికి యుగాలు గడిచిన పట్టిచుకునే స్థితిలోలేడు. కానీ అతనిని పిలుస్తున్న ఆమె మృదువైన స్వరానికి పలికాడు.
'వసీ'.. ఆమె మళ్ళీ పిలిచి ముందుకు రమ్మని సైగ చేసింది. '
'అబ్బా! ఇదంతా నాకోసమేనా?’ అంటూ ఉల్లాసంగా అడిగాడు టేబుల్ దగ్గరికి వచ్చి, టేబుల్పై ఉన్న వంటకాలు, తనకు ఇష్టమైనవన్నీ చూసి.
కీర్తి ముఖం గర్వంతో మెరిసింది, ఆమె శక్తి ఒక్కసారిగా పుంజుకుంది.
ఆమె అతనికి ప్లాస్టిక్ కత్తిని అందజేసింది, ఆమె అతని కోసం రోజంతా కష్టపడి చేసిన పుట్టినరోజు కేక్ అది.
వసీ ఆమెను చూసి నవ్వి, ఆమెను ఆప్యాయంగా కౌగిలించుకుని, 'ఇదంతా ఒంటరిగా నాకోసం చేసినందుకు థ్యాంకూ వెరీ మచ్' అన్నాడు.
'హ్యాపీ బర్త్ డే వసీ' అంటూ అతని ఛాతీపై గుసగుసలాడింది కీర్తి. ఆమె కళ్ళు చెమర్చినట్లు అనిపించింది కాని వెంటనే తన కన్నీళ్లను రెప్ప వేసింది.
సడెన్గా ఎవరో వచ్చి లేపినట్టు అనిపించింది కీర్తికి లేచి చూస్తే అంత చీకటీ…
పక్కనే కీర్తి వాళ్ల అమ్మ నాన్న ఉన్నారు. కీర్తి ఏదో షాక్కు గైరైంది.
లేచి అటు ఇటూ తిరుగుతూ వసీ వసీ అని అరుస్తుంది. వసీ ఎక్కడా లేడు.. పడకగది వైపు వసీ కోసం పరిగెత్తుకుంటూ వెళ్లింది.
అక్కడా కనపడలేదు… డైనింగ్ టేబుల్ చుట్టూ తిరుగుతూ వసీ వచ్చాడమ్మా నా వసీ వచ్చాడు. అంటూ డైనింగ్ టెబుల్ వైపు చూపించింది.
కీర్తి అలా పిచ్చిదానిలా వసీ వసీ అరుస్తూ ఏడుస్తుంటే కీర్తి అమ్మనాన్నలు ఏడవడానికి ఒపికలేదన్నంటూ నిట్టూర్పుతో తలదించుకున్నాడు.
వసీ వస్తాడు… ఉదయం వచ్చేస్తాడు… నువ్వెళ్లి పడుకో అని కీర్తి వాళ్ల అమ్మ కూతురిని చిన్న పిల్లల నిద్రబుచ్చుతుంది.
పెళ్లైన కొత్తలో వసీ పుట్టిన రోజునే ప్రమాదంలో చనిపోతాడు. కీర్తి మాత్రం వసీ చూపించిన ప్రేమను మరిచిపోలేక అప్పుడప్పుడు ఇలా చేస్తుంది.